तामसा : तामसा शहरात चोऱ्याचे सत्र चालूच असून अज्ञात चोरट्यांनी येथील नरसिंह मंदिर परिसरातील घर फोडून चार लक्ष रुपयाचा रोख रकमेसह ऐवज लंपास केल्याची खळबळजनक घटना रविवारी मध्यरात्री घडली आहे. रविवारी वडगाव बुद्रुक येथेही चोरांनी घरफोडी करत ३८ हजाराचा ऐवज लंपास करून पोलिसांना आव्हान दिले आहे. तामसा येथील व्यापारी ओम डोनगावे यांचे घर अज्ञात चोरट्यांनी फोडून कपाटातील रोख अडीच लक्ष रुपये व एक लक्ष ४२ हजार रुपयांचे सोने-चांदीचे दागिने रविवारी मध्यरात्री अडीचच्या सुमारास लंपास केले.
चोरट्यांच्या आवाजामुळे झोपलेली घरातील लोक उठल्याचे लक्षात येताच दोघा चोरट्यांनी पोबारा केला. घरात दोन चोरटे होते. तर बाहेर काहीजण असण्याची शक्यता आहे. डोनगावे कुटुंबीय झोपलेले ठिकाण सोडून उर्वरित घरातील कपाटे, सुटकेस फोडून चोरट्यांनी मोठा ऐवज लंपास केला. तर चोरीच्या दुसऱ्या घटनेत वडगाव बुद्रुक येथील प्रकाश वाठोरे हे कुटुंबीयांसह घरावर झोपले असता अज्ञात चोरट्यांनी घरफोडीत रोख आठ हजारसह वीस हजाराचे दागिने लंपास केले.
या दोन्ही घटना एकाच चोरट्यांकडून झाल्याची शक्यता आहे. सोमवारी पोलिस उपअधीक्षक अर्चना पाटील यांनी तामसा येथे चोरी झालेल्या घराची पाहणी करून सहायक पोलिस निरीक्षक अशोक उजगरे यांनी तपासकामी सूचना केल्या आहेत. दोन्ही ठिकाणी श्वानपथक पाचारण करण्यात आले. पण तपासात फारशी प्रगती नव्हती. पुढील तपास सहायक पोलीस निरीक्षक अशोक उजगरे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.