मारतळा : मारतळा येथील वडार गल्लीत मंगळवारी (ता. ९) रात्री दोन घरांमध्ये प्रवेश करून चोरट्यांनी साखरझोपेत असलेल्या दोन महिलांच्या गळ्यातील आठ ग्रॅमची सोन्याची पोत व ३० हजारांचा अँड्रॉइड मोबाइल असा अंदाजे ९० हजारांचा ऐवज पळविला.
सोमवारी रात्री गोळेगावात दोन ठिकाणी चोरीची घटना ताजी असतानाच चोरट्यांनी मारताळ्यात चोरी केली. या प्रकरणी अद्याप पोलिसांत गुन्हा दाखल झाला नव्हता. मात्र, चोरीचे सत्र सुरूच असल्याने ग्रामस्थ भयभीत झाले आहेत.
मारतळा (ता. लोहा) येथील वडार गल्लीत मंगळवारी रात्री दुचाकी रस्त्यावर उभी करून चोरट्यांनी घरात प्रवेश करून अर्चना सिनू पवार (वय २४) ही महिला घरात झोपली असताना दरवाजा ढकलून आत प्रवेश केला व तिच्या गळ्यातील चार ग्रॅमची सोन्याची पोत, ३० हजारांचा अँड्रॉइड मोबाइल हिसकावत चोरटे प्रसार होत असताना अर्चनाने चोरट्याची कॉलर पकडून आरडाओरडा केला.
मात्र, चोरट्याने हिसका देत पळ काढला. यावेळी शेजारील द्रोपदाबाई यल्लाप्पा साखळे यांच्या घरातही चोरट्याने प्रवेश करत तिच्या गळ्यातील साडेचार ग्रॅम सोन्याची पोत चोरली. बाहेर आरडाओरडा ऐकून दुचाकीवरून आलेले चोरटे अंधाराचा फायदा घेत कापसी रस्त्याने पसार झाले.
उस्माननगर पोलिसांनी चोट्यांचा शोध लावण्यासाठी शोधमोहीम राबवावी, अशी मागणी ग्रामस्थांनी केली आहे. दोन रात्रीत सलग दोन गावांत चार घरफोड्या झाल्याने नागरिकांमध्ये भीतीचे वातावरण आहे. पोलिसांनी या भागात रात्रीची गस्त वाढवावी, अशी मागणी ग्रामस्थांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.