नांदेड - गेल्या दोन दिवसात एकाही कोरोनाबाधित रुग्णांचा मृत्यू झाला नव्हता. शनिवारी (ता. दोन) दिवसभरात २४ रुग्ण कोरोनामुक्त, तर २२ जणांचे अहवाल नव्याने पॉझिटिव्ह आले आहेत. तर तीन दिवसाच्या विश्रांतीनंतर रंभीर स्वरुपात असलेल्या दोन कोरोना बाधित रुग्णांचा उपचारा दरम्यान मृत्यू झाला आहे. 

शुक्रवारी (ता. एक) तपासणीसाठी घेण्यात आलेल्या स्वॅब अहवालापैकी शनिवारी (ता. दोन) ८७६ अहवाल प्राप्त झाले. त्यामधील ८५१ निगेटिव्ह, २२ जणांचे अहवाल पॉझिटिव्ह आले, जिल्ह्यातील आतापर्यंत कोरोना बाधित रुग्णांची संख्या २१ हजार ५३७ इतकी झाली आहे. शनिवारी दिवसभरात विष्णुपुरीच्या शासकीय रुग्णालयातील - एक, जिल्हा शासकीय रुग्णालय - दोन, महापालिकेंतर्गत एनआरआय भवन , गृहविलगीकरणात असलेले - १२, देगलूर - एक, मुखेड - चार व खासगी रुग्णालयातील चार असे २४ रुग्ण औषधोपचाराने बरे झाल्याने त्यांना रुग्णालयातुन घरी सोडण्यात आले. आतापर्यंत उपचार घेऊन २० हजार ४३५ रुग्ण घरी परतले आहेत. 

हेही वाचा- नांदेड :मी पुन्हा येणार म्हणू नका... सोशल माध्यमातून भावी सरपंचाना दिला जातोय सल्ला.. ​

आतापर्यंत ५७५ बाधितांचा मृत्यू

श्री गुरु गोविंदसिंघ स्मारक जिल्हा शासकीय रुग्णालयात उपचार सुरु असलेल्या कोरोनाबाधित गंभीर रुग्णांपैकी शनिवारी पीरबुऱ्हाण येथील पुरुष (वय ६९) व किनवट तालुक्यातील धानोरा येथील महिला (वय ७०) यांचा उपचारादरम्यान मृत्यू झाला. जिल्हाभरातील आतापर्यंत ५७५ बाधितांचा मृत्यू झाला आहे. 

हेही वाचा- अर्धापुरात दोन गटात तुंबळ हणामारी, तीन जण जखमी, बारा जणांविरुध्द गुन्हा दाखल ​

४८४ संशयित स्वॅब अहवालाची तपासणी सुरु 

नांदेड वाघाळा महापालिका क्षेत्रात - १८, नांदेड ग्रामीण - एक, मुखेड - एक व धर्माबाद येथील दोन असे २२ जणांचे अहवाल कोरोना पॉझिटिव्ह आले आहेत. सध्या ३२६ कोरोना बाधित रुग्णांवर उपचार सुरु आहेत. त्यामधील सात कोरोना बाधित रुग्णांची प्रकृती गंभीर स्वरुपाची आहे. शनिवारी रात्री उशिरापर्यंत ४८४ संशयित स्वॅब अहवालाची तपासणी सुरु होती. 

कोरोना मीटर ः 
शनिवारी पॉझिटिव्ह रुग्ण - २२ 
शनिवारी कोरोनामुक्त रुग्ण - २४ 
शनिवारी मृत्यू - दोन 
एकूण कोरोना पॉझिटिव्ह - २१ हजार ५३७ 
एकूण कोरोनामुक्त रुग्ण - २० हजार ४५ 
एकूण मृत्यू - ५७५ 
उपचार सुरु - ३२६ 
गंभीर रुग्ण - सात 
स्वॅब तपासणी सुरु - ४८४