नांदेड - कोरोना संसर्गाबाबतीत मंगळवारी (ता. २३) सायंकाळी पाच वाजेपर्यंतच्या कोरोना अहवालानुसार ७६ व्यक्तींचे अहवाल बाधित आले आहेत. त्याचबरोबर नांदेड शहरात त्यातील ५० जणांचा समावेश आहे. त्यामुळे आता सतर्क राहण्याची गरज आहे. दरम्यान, उपचार घेत असलेल्या ३२ कोरोनाबाधित व्यक्तींमध्ये सुधारणा झाल्यामुळे त्यांना रुग्णालयातून सुटी देण्यात आली आहे. 

मंगळवारी आलेल्या एक हजार ३४९ अहवालापैकी एक हजार २६२ अहवाल निगेटिव्ह आले. जिल्ह्यात एकुण बाधितांची संख्या आता २३ हजार २८४ एवढी झाली असून यातील २२ हजार ६१ बाधितांना औषधोपचारानंतर सुटी देण्यात आली आहे. एकुण ४१८ बाधितांवर रुग्णालयात औषधोपचार सुरु असून त्यातील १० बाधितांची प्रकृती अतीगंभीर स्वरुपाची आहे. सोमवारी (ता. २२) किनवट तालुक्यातील गोकुंदा येथील ७५ वर्षाच्या एका पुरुषाचा शासकीय वैद्यकीय महाविद्यालय विष्णुपुरी येथे उपचारादरम्यान मृत्यू झाला आहे. आजपर्यंत कोरोनामुळे जिल्ह्यातील ५९४ व्यक्तींना आपले प्राण गमवावे लागले आहेत.    

हेही वाचा - कोरोनाचे सावट : परभणी जिल्हाधिकारी दिपक मुगळीकर रस्त्यावर उतरले
 

मंगळवारी ३२ जण झाले बरे
मंगळवारी बरे झालेल्या बाधितांमध्ये शासकीय वैद्यकीय महाविद्यालय विष्णुपुरी एक, महापालिका अंतर्गत एनआरआय भवन व गृह विलगीकरण २०, देगलूर कोविड रुग्णालय एक, गोकुंदा कोविड रुग्णालय एक, हदगाव कोविड रुग्णालय एक, खासगी रुग्णालय आठ असे एकूण ३२ बाधित व्यक्तींना औषधोपचारानंतर सुटी देण्यात आली आहे. उपचारानंतर बाधित रुग्ण घरी बरे होण्याचे प्रमाण ९४.७४ टक्के आहे.  आजच्या बाधितांमध्ये आरटीपीसीआर तपासणीद्वारे नांदेड महापालिका क्षेत्र १६, भोकर तालुक्यात एक, किनवट तालुक्यात तीन, मुखेड तालुक्यात एक, अर्धापूर एक, कंधार एक, लोहा तालुक्यात तीन असे एकुण २६ बाधित आढळले. ॲन्टीजेन किट्स तपासणीद्वारे नांदेड महापालिका क्षेत्र ३४, भोकर तालुक्यात दोन, किनवट तालुक्यात सात, मुदखेड तालुक्यात एक, नांदेड ग्रामीण दोन, हदगाव तालुक्यात दोन, लोहा तालुक्यात एक, मुखेड तालुक्यात एक असे एकूण ५० बाधित आढळले.

हेही वाचलेच पाहिजे - कोरोना नियमाचे पालन न करणाऱ्या लाँन्स, मंगल कार्यालयावर कारवाई करा- जिल्हाधिकारी

४१८ बाधितांवर औषधोपचार सुरु 
जिल्ह्यात ४१८ बाधितांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी येथे ३१, जिल्हा रुग्णालय कोविड हॉस्पिटल नांदेड ५२, किनवट कोविड रुग्णालयात १९, हदगाव कोविड रुग्णालय पाच, देगलूर कोविड रुग्णालय चार, नांदेड महापालिका अंतर्गत गृहविलगीकरण २२४, नांदेड जिल्ह्यातील तालुक्यांतर्गत गृह विलगीकरण ५१, खासगी रुग्णालय ३२ आहेत. मंगळवारी (ता. २३) सायंकाळी पाच वाजता सद्यस्थित रुग्णालयात उपलब्ध खाटांची संख्या शासकीय वैद्यकीय महाविद्यालय विष्णुपुरी येथे १५३, तर जिल्हा रुग्णालय कोविड हॉस्पिटल येथे ५२ एवढी आहे.  

नांदेडच्या बातम्यांसाठी येथे क्लिक करा 
 
नांदेड कोरोना मीटर

• एकुण स्वॅब - २ लाख २३ हजार ८२१ 
• एकुण निगेटिव्ह - १ लाख ९६ हजार ८९ 
• एकुण पॉझिटिव्ह - २३ हजार २८४ 
• एकूण बरे - २२ हजार ६१ 
• एकुण मृत्यू - ५९४ 
• मंगळवारी पॉझिटिव्ह - ७६ 
• मंगळवारी बरे - ३२ 
• मंगळवारी मृत्यू - एक 
• आज प्रलंबित स्वॅब - ३९५ 
• उपचार सुरू - ४१८ 
• अतिगंभीर - दहा