नांदेड : अमृतसर ते हजुर साहेब या सचखंड एक्सप्रेसमध्ये प्रवास करणाऱ्या एका कुटुंबाचे दोन लहान मुल झोपेत पुढील स्थानकावर आले. मात्र त्यांची पालकांपासून झालेली ताटातुट काही तासातच दक्षिण मध्य रेल्वेच्या सुरक्षा बलाच्या जवानांनी जुळवून आणली. या दोन्ही मुलांना पालकांच्या शुक्रवारी (ता. आठ) दुपारी स्वाधीन केले. 

याबाबत अधिक माहित अशी की, गाडी संख्या 02716 अमृतसर- हुजूर साहेब नांदेड सचखंड एक्सप्रेसमध्ये कर्तव्यावर असतांना तिकीट चल निरक्षक श्री प्रमोद कुमार यांना दोन मुले डी-1 कोचमध्ये झोपलेल्या अवस्थेत आढळले. त्यांनी अधिक चौकशी केली असता ते या गाडीने झोपेमध्ये पुढे आले असल्याचे लक्षात आले. श्री प्रमोद कुमार यांनी दोन्ही मुलांना औरंगाबाद येथे रेल्वे प्रोटेक्शन फोर्सच्या उपनिरीक्षकांच्या स्वाधीन केले. आर. पी. एफ. औरंगाबाद  यांनी अधिक चौकशी केली असता त्यांना त्यांच्या वडिलांचा नंबर सापडला. 

हेही वाचा - माधुरीची अंधत्वावर मात; प्रतिष्ठीत कलावंत प्रतिष्ठानच्या नांदेड जिल्हाध्यक्षपदी निवड

मुलांचे वडील श्री राकेश कुशवाह यांच्याशी मोबाईलवर बोलणे झाले असता ही मुले कुशवाह यांच्यासोबत ललितपुर येथून इंदोरला जाण्यासाठी  प्रवास करत असल्याचे लक्षात आले. राकेश कुशवाह हे बिना रेल्वे स्टेशनवर पाणी घेण्यासाठी खाली उतरले आणि बाटलीत पाणी भरण्यात मग्न होते. तोच सचखंड एक्सप्रेस पुढील प्रवासास निघून गेली. हे दोन्ही मुले झोपेत असल्यामुळे पुढे आली. या मुलांचे नाव अरुण (वय नऊ) व अभिषेक (वय सहा) अशी आहेत. नियमानुसार दोन्ही मुलांना बाल कल्याण समिती, औरंगाबाद यांच्या समोर पुढील कार्यवाही करिता सादर  केले. 
मुलाचे वडील राकेश कुशवाह हे आपल्या मुलांना घेण्याकरिता शुक्रवारी (ता. आठ) सकाळी औरंगाबाद येथे हजर झाले. 
श्री कुशवाह यांनी श्री प्रमोद कुमार, अरविंद शर्मा संपूर्ण रेल्वे प्रशासनाचे आभार मानले.