नांदेड : सिडकोतील एका महाविद्यालय परिसरात सुरू असलेल्या झन्ना-मन्ना जुगार अड्ड्यावर छापा टाकून सहा जुगाऱ्यांना अटक केली. त्यांच्याकडून रोख, मोबाईल व जुगाराचे साहित्य असा २५ हजाराचा ऐवज जप्त केला. ही कारवाई शुक्रवारी (ता. १५) सायंकाळी पाच वाजता स्थानिक गुन्हे शाखेच्या पथकाने केली.
सिडको परिसरात असलेल्या नाईक महाविद्यालयासमोर अवधूत कोटलवार यांच्या इमारतीत झन्ना- मन्ना नावाचा जुगार सुरू असल्याची गुप्त माहिती स्थानिक गुन्हे शाखेचे पोलिस निरीक्षक द्वारकादास चिखलीकर यांना मिळाली. यावरुन त्यांनी आपले सहकारी पोलिस हवालदार भानुदास वडजे यांना सिडको परिसरात त्यांच्या सहकाऱ्यांसह पाठविले. मिळालेल्या माहितीवरुन श्री. वडजे यांनी कोटलवार यांच्या इमारतीत सुरू असलेल्या जुगार अड्ड्यावर छापा टाकला.
हेही वाचा - Video; मदिरालय जानेको घरसे चलता है पिनेवाला...
घरमालकासह सहा जण अटक
यावेळी घरमालक अवधुत सुधाकर कोटलवार (वय ५०), नागनाथ रामचंद्र पाचरे (वय ५३), व्यंकटी नागोराव साळवे (वय ५५), शिवाजी रामचंद्र मोरे (वय ४१) गजानन जयराम मामडे (वय ४१) आणि चंद्रशेखर दत्तात्र्य उदास यांना ताब्यात घेतले. विशेष म्हणजे त्यांच्यात कुठेच शारिरीक अंतर नसुन त्यांनी तोंडावर मास्क लावलेले नव्हते. जुगार अड्ड्यावरुन नगदी ८९१० रुपये, १५ हजाराचे तिन मोबाईल आणि जुगाराचे साहित्य असा २५ हजाराचा ऐवज जप्त केला. या सर्वांना घेऊन श्री. वडजे यांनी नांदेड ग्रामिण पोलिस ठाणे गाठले. हवालदार भानुदास वडजे यांच्या फिर्यादीवरुन या सहा जुगारी व्यापाऱ्यांविरुद्ध जुगारासह विविध कलमान्वये गुन्हा दाखल करण्यात आला आहे. तपास पोलिस हवालदार श्री. कवठेकर करत आहेत.
टपाल कार्यालयाच्या प्रवेशद्वारावर थर्मोमीटरद्वारे तपासणी:
नांदेड : कोविड- १९ या अतिशय गंभीर महामारीचा सामना अतिशय खंबीरपणे डाक विभाग करीत असल्याचे दिसून येत आहे.
नांदेडचे डाक अधीक्षक शिवशंकर लिंगायत यांच्या मार्गदर्शनाखाली मुख्य पोस्टमास्तर डी. एम. जाधव यांनी डाक ग्राहकांसाठी व कर्मचाऱ्यांना पोस्ट ऑफिसच्या मुख्य प्रवेशद्वाराजवळ एक डाक कर्मचाऱ्यांची नियुक्ती केली आहे. डाक घरात येणाऱ्या ग्रहाकास व कर्मचाऱ्यांना थर्मोमीटरद्वारे तपासणी केली जात आहे. तसेच तोंडावर मास्क लावणे, सोशेल डिस्टंसिंग अंतर ठेवणे व हँड वॉशने स्वच्छ हात धुवूनचं पोस्ट ऑफिसमध्ये प्रवेश दिला जात आहे.
येथे क्लिक करा - नांदेडमध्ये काय चाललंय ?- वाळूसोबत आता माती माफिया सक्रीय
नियमाचे तंतोतंत पालन केल्या जात आहे
तसेच दररोज प्रत्येक कर्मचाऱ्याच्या काउंटरवर व पोस्टमनला हँड ग्लोज, मास्क, हँड वॉशने प्रत्येक व्यवहार झाल्याने हात स्वच्छ धुऊन घेण्याची व्यवस्था पोस्ट मास्तर यांनी केली आहे.
पोस्ट मास्तर श्री.जाधव यांनी ग्राहकांची व कर्मचाऱ्यांची काळजी सतत घेत असल्यामुळे शासनांनी दिलेल्या नियमाचे तंतोतंत पालन केल्या जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.