नांदेड : कोरोनाच्या पार्श्वभूमीवर ता. 25 मार्चपासून जिल्ह्यात टाळेबंदी करण्यात आल्याने भाजीपाल्याचे भाव गडगडले. सध्या कोबी दोन रुपये किलो तर टोमॅटोला कोणी विचारत नसल्याने भाजीपाल्याचे उत्पन्न तर सोडा काढणीचा व लागवडीचा खर्चही निघत नसल्याने संतप्त शेतकऱ्यांनी भाजीपाल्याचे शेतात आपली जनावरे सोडली.
थोड्याफार क्षेत्रात भाजीपाल्याचे उत्पन्न घेऊन कुटुंबाचा उदरनिर्वाह करणारे बहुतांश शेतकरी नांदेड जिल्ह्यातील अर्धापूर तालुक्यात आहेत. मात्र जिल्ह्यात कोरोनाचा प्रादुर्भाव वाढल्याने लाॅकडाऊन करण्यात आले असल्याने भाजीपाला कुणी खरेदी करत नाहीत. त्यामुळे शातात आळेला भाजीपाला फेकून देण्याची वेळ शेतकऱ्यांवर आली आहे. त्यामुळे भाजीपाला उत्पादक शेतकरी हवालदिल झाला आहे.
अर्धापूर तालुक्यातील पार्डी मक्ता येथील शेतकरी पांडुरंग तरोडेकर यांनी २० गुंठे पत्ता कोबी, २० गुंठे टोमॅटो आणि २० गुंठे कोथिंबीरची लागवड केली होती. ही पिके काढणीला आली असून अचानक जिल्ह्यात लॉकडाऊन जाहीर झाला. त्यामुळे व्यापारी खरेदीसाठी फिरकले नसल्याने शेतकऱ्यांनी भाजीपाला पिकात जनावरे सोडून दिली. पत्ता कोबीला दोन रुपये, टोमॅटोला कोणी विचारत नसल्याने काढणीचा खर्च निघत नाही तसेच तोडण्यासाठी मजुरी लागते ते ५० टक्के सुद्धा निघत नाही. त्यात केलेला खर्च त्यामुळे हताश झालेल्या पांडुरंग तरोडेकर या शेतकऱ्यांसह अधिक शेतकऱ्यांनी गोबी पिकात आपली जनावरे सोडून संताप व्यक्त केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.