नांदेड : गोदावरी नदी संसद लोकचळवळमार्फत जल शुद्धीकरण कारसेवा राबविण्यात येत आहे. नदीच प्रदूषण, समाज संघटित होऊनच रोखू शकतो.सध्या जगात जैविक जलशुद्धीकरण प्रकल्प मोठ्या प्रमाणात राबविण्यात येत आहेत. त्याचा परिणाम अत्यंत ठळक दिसून आला आहे, या सिद्ध प्रयोगाच्या आधारे गोदावरी नदी संसद "जैविक जलशुद्धीकरण कारसेवा" सुरु करत आहे. केवळ आपले 10 ते 15 मिनिट यासाठी द्यावे लागणार आहेत. तेही आपल्या घरीच बसून.

संपूर्ण अभ्यासाअंती गोदावरी नदी संसद टीम या निष्कर्षावर पोहचली आहे की सर्व समाज सहभागी होऊ शकेल, स्वतःच्या घरीच राहून, घरातीलच वाया जाणारी वस्तू वापरुन तयार करता येणार. जैविक जलशुद्धीकरण तंत्र म्हणजे "Bio Enzyme".
यासाठी सामुग्री गुळ, संत्रे, मोसंबीची साल किंवा वाहिलेली फुल, ताक किंवा Yeast, पाणी,प्लास्टिक बॉटल.प्रमाण 1:3:10 , उदा. 100 gm गुळ:300 ग्राम संत्रे, मोसंबी साल, वाहिलेली फुलं, एक लिटर पाणी, एक प्लास्टिक बॉटल दोन (लिटर क्षमतेची) मध्ये झाकण बंद करुन 30 दिवस सावलीत ठेवणे. पहिले 10 दिवस रोज दिवसातून एक वेळेस झाकण उघडणे (गॅस निघून जाण्यासाठी). पुढील 20 दिवस दोन दिवसाकाठी एक वेळेस झाकण उघडणे. 30 दिवसात Bio Enzyme तयार होईल.

हेही वाचा - दुसऱ्या दिवशी कोरोना स्वॅब चाचणी बंद, नांदेड नाना नानी पार्क मारहाण प्रकरण, प्रशासनाची बघ्याची भूमिका

तयार मिश्रण कपड्याने गाळून घेणे. एक लिटर Bio Enzyme १० हजार लिटर पाण्याला स्वछ करते. हे Bio Enzyme तयार झाल्यावर ते आपण नदी पात्रात, प्रदूषित जलसाठ्यात सोडू शकतो. Bio Enzyme जलचर, वनस्पती, पशु पक्ष्यांना बिलकुल हानिकारक नाही. आपण सर्वजण ही गोदावरी नदी जैविक जलशुद्धीकरण कारसेवा करु शकता. कारसेवा पूर्ण करणाऱ्यांसाठी गोदावरी नदी संसद तर्फे या नोबल कामासाठी प्रमाणपत्र ही देण्यात येणार आहे.