नांदेड : एसटी कर्मचाऱ्यांनी पुकारलेल्या बेमुदत संपाच्या ताण-तणावातून एका ५७ वर्षीय वाहकाने गळफास घेऊन आत्महत्या केली आहे. ही घटना शनिवारी (ता.२५) रात्री नांदेड येथील वसरणी परिसरात घडली आहे. भीमराव नागोराव सदावर्ते असे आत्महत्या केलेल्या एसटी वाहकाचे नाव आहे. भीमराव हे किनवट (Kinwat) आगारात वाहक होते. शासनात विलीनीकरणाच्या मागणीसाठी एसटी कर्मचाऱ्यांनी सुरु केलेल्या बेमुदत संपात तेही सहभागी झाले होते. संपामुळे (ST Strike) ते तणावात होते. (ST Conductor Committed Suicide In Nanded ST Strike)

त्यामुळे शनिवारी रात्री त्यांनी खोलीत गळफास घेऊन आत्महत्या केली, अशी माहिती पोलिस अंमलदार प्रवीण केंद्रे, पोलिस कान्स्टेबल जनार्धन महाले यांनी दिली. ग्रामीण पोलिस ठाण्यात या प्रकरणी आकस्मिक मृत्यू म्हणून नोंद केली आहे.