file photo 
नांदेड

मुदखेड शहरामध्ये कडकडीत बंद; रस्त्यावर फिरणाऱ्यांना तहसिलदाराकडून लाठीचा प्रसाद

गंगाधर डांगे

मुदखेड (जिल्हा नांदेड) : मुदखेड शहरासह तालुक्यामध्ये जिल्हाधिकारी यांनी ता. २१ मार्च रोजी काढलेल्या आदेशान्वये बाजारपेठ कडकडीत बंद ठेवून लाकडावूनच्या नियोजनात व्यापाऱ्यांसह नागरिकांनी प्रतिसाद दिला. 

गुरुवारी (ता. २५) रोजी सकाळी मुदखेडचे तहसीलदार दिनेश झांपले, मुदखेड पालिकेचे मुख्याधिकारी रामराजे कापरे, मुदखेड पोलिस प्रशासनाचे पोलिस अधिकारी महेश शर्मा, सुरेश भाले, राजू वटाणे यांनी आपल्या प्रशासनातील कर्मचाऱ्यांसह मुदखेड शहरात सकाळी आठ वाजल्यापासून दुपारी बारा वाजेपर्यंत रस्त्यावर उतरुन विनाकारण फिरणाऱ्या नागरिकांना बाहेर न पडण्याचे आवाहन केले. दरम्यान जे नागरिक मास्कचा वापर न करता शहरात फिरत होते त्यांना व दुचाकीस्वारांना अक्षरशः झोडपून काढले. यामुळे शहरात व तालुक्यातील नागरिक दुपारी बाराच्या नंतर रस्त्यावर दिसले नाहीत नांदेड चे जिल्हाधिकारी विपीन ईटनकर यांनी दिलेल्या आदेशाचे स्थानिक प्रशासनाच्या वतीने काटेकोरपणे पालन करण्यात येऊन नागरिकांनी प्रशासनास मदत करावी असे आवाहन देखील यावेळी करण्यात आले.

तहसीलदारांनी घेतली काठी हातात

एरवी आपण रस्त्यावर बंदची किंवा लाकडाऊनच्या परिस्थितीमध्ये पोलिस प्रशासनाकडून हातात दंडुका घेत नियमाचे उल्लंघन करणाऱ्यांना दंडूक्याचा प्रसाद मिळत असे. परंतु आज मुदखेड येथील शिवाजीनगर भागातील रेल्वे गेटजवळ मुदखेड पालिका प्रशासनाने नाकाबंदी करुन मास्क न वापरणाऱ्यांना तंबी दिली दरम्यान या ठिकाणी मुदखेड तहसीलदार दिनेश झांपल्ले यांनी आपल्या हातात काठी घेऊन मास्क न वापरता फिरणाऱ्या व विनाकारण रस्त्यावर फिरणाऱ्या लोकांना स्वतः काठीने झोडपून काढले.

नागरिकांनी पंचसूत्रीचा वापर करुन प्रशासनास मदत करावी; मुख्याधिकारी रामराजे कापरे

नांदेड जिल्ह्याचे जिल्हाधिकारी विपिन इटनकर यांच्या मार्गदर्शनाखाली त्यांनी ता. २१ मार्च रोजी दिलेल्या आदेशान्वये महसूल प्रशासन, पोलिस प्रशासन व पालिका प्रशासनाच्या संयुक्त माध्यमातून शुक्रवारपासून ता. चार मार्चपर्यंत संचारबंदी लागू करण्यात आली. त्याचे काटेकोरपणे पालन व्हावे यासाठी शहरांमध्ये रस्त्यावर उतरून नागरिकांवर दंडात्मक कारवाई करीत आहोत. यामध्ये उल्लंघन करणाऱ्यांवर पाचशे रुपयापासून पाच हजार रुपयापर्यंत दंड लावण्यात येणार आहे. शहरातील व ग्रामीण भागातील नागरिकांनी शासनाने दिलेल्या आदेशाचे पालन करावे घराबाहेर पडू नये, मास्कचा वापर करावा व प्रशासनास सहकार्य करावे असे आवाहन सकाळशी बोलताना मुख्याधिकारी रामराजे कापरे यांनी केले आहे.

संपादन- प्रल्हाद कांबळे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Subhanshu Shukla meet PM Modi : शुभांशू शुक्ला यांनी पंतप्रधान मोदींना दिली ‘ती’ खास भेटवस्तू ; जाणून घ्या, मोदी काय म्हणाले?

Nanded Rain : मुखेडमध्ये ३०० जणांना वाचविले; नांदेडमध्ये पावसाचा धुमाकूळ, ९ जण बेपत्ता, म्हशींसह ७० जनावरे गेली वाहून

Eleventh Admission : अकरावीच्या ‘सर्वांसाठी खुल्या’ फेरीअंतर्गत प्रवेशासाठी २२ ऑगस्टपर्यंत मुदतवाढ

Pune News : नेत्यांची वेळ न मिळाल्याने पुण्यातील उड्डाणपुलांचे उद्‍घाटन रखडले

इतिहासाची अमूल्य खुण भारतात! इतिहासाशी पुन्हा जोडणारा क्षण, मुख्यमंत्री फडणवीसांची भावनिक प्रतिक्रिया

SCROLL FOR NEXT