नांदेड : मागील आठ दिवसापासून जिल्ह्यात तुरळक पाऊस होत आहे. गुरुवारी (ता. २५) जिल्ह्यात हिमायतनगर, भोकर तसेच बिलोली तालुक्यात पाऊस झाला. शुक्रवारी सकाळी (ता. २६) आठपर्यंत जिल्ह्यात एकूण ९९.९७ मिलिमीटर तर सरासरी ६.२५ मिलीमीटर पावसाची नोंद झाली. आजपर्यंत जिल्ह्यात पाऊस १५.१३ टक्क्यांवर पोचला आहे.

पावसाच्या दडीमुळे पेरणीची कामे खोळंबली
जिल्ह्यात मागील काही दिवसांपासून पावसाने दडी मारल्यामुळे पेरणीची कामे खोळंबली आहेत. जून महिन्यातील ता. १२ व ता. १३ तसेच ता. १६ तारखेला पाऊस झाला. यानंतर जिल्ह्याकडे पावसाने पाठ फिरवली. पावसाच्या भरवश्यावर सुरु केलेल्या पेरण्यांची कामे खोळंबली आहेत. शुक्रवारी (ता. २६) सकाळी साडेआठपर्यंत भोकर तालुक्यात ११.२५, हिमायतनगर ४९.३३, बिलोली १४.४०, उमरी ३.६७, किनवट तीन, माहूर दोन, लोहा ३.७१, हदगाव २.७१,नायगाव ५.४०, मुखेड ३.७१ मिलीमीटर पाऊस झाला. ह

हेही वाचा....Video - नांदेड जिल्ह्यातील शेतकऱ्यांवर दुबार पेरणीचे संकट

हिमायतनगर तालुक्यात चांगला पाऊस 
हिमायतनगर मंडळात ४७, सरसम ६१, जवळगाव ४० तर बिलोली तालुक्यातील सगरोळी मंडळात ६०, भोकरमधील किनी मंडळात २९ तर मुखेडमधील जांब मंडळात २६ मिलीमीटर पाऊस झाला. 

हेही वाचलेच पाहिजे.....Nanded Breaking : चोवीस तासात कोरोनाचा दुसरा बळी, एकूण संख्या १६ वर

राजर्षी शाहू महाराज जयंती साजरी
लोकराजा राजर्षी शाहू महाराज यांची जयंती जवळा देशमुख येथे जिल्हा परिषदेच्या प्राथमिक शाळेत सोशल डिस्टन्स पाळून साजरी करण्यात आली. कार्यक्रमाच्या सुरुवातीला मुख्याध्यापक जी. एस. ढवळे व शालेय व्यवस्थापन समितीचे अध्यक्ष किशन गच्चे यांनी राजर्षी शाहू महाराज यांच्या प्रतिमेला पुष्पहार घालून अभिवादन केले. यावेळी शाळेतील पहिली ते सातवीच्या विद्यार्थ्यांना मोफत पाठ्यपुस्तक योजनेतील पुस्तके वाटप करण्यात आले. 

कार्यक्रमात अनेकांचा सहभाग
यावेळी बाबुमियाँ शेख, मिलिंद गोडबोले, कुंता शिखरे, मायावती गच्चे, सखुबाई चक्रधर, आशा झिंझाडे, मिना गोडबोले, भिमराव गोडबोले, चांदू गोडबोले, सुनील पंडित, सुलोचना गच्चे, एस. एम. घटकार उपस्थित होते. कार्यक्रमाच्या यशस्वीतेसाठी कमल गच्चे, हैदर शेख, चौतरा गोडबोले, सुभद्रा ननुरे, इंदीरा पांचाळ, इंदर पंडित, संभाजी गवारे, माया साबणे, भगवान गोडबोले, नूरजहाँ पठाण, सना शेख, पांडूरंग गच्चे, बबन गच्चे, विलास गच्चे, पुरभा गोडबोले यांनी सहभाग घेतला.