नांदेड : मराठा समाजाच्या आरक्षणाच्या मागणीसाठी मराठा योध्दा मनोज जरांगे पाटील यांनी शासनासमोर ठेवलेल्या मागण्या मान्य केल्यानंतर सकल मराठा समाजाच्या वतीने नांदेड शहरासह जिल्ह्यामध्ये शनिवारी (ता. २७) आनंदोत्सव साजरा करण्यात आला. यावेळी छत्रपती शिवाजी महाराज यांच्या पुतळ्यासमोर तसेच इतर विविध ठिकाणी सकल मराठा समाजातर्फे ढोल ताशांच्या गजरात जल्लोष करत पेढे, मिठाई आणि गुलाल उधळून आनंदोत्सव साजरा करण्यात आला. तसेच एक मराठा, लाख मराठा अशी घोषणाबाजीही करण्यात आली.

मराठा समाजाला आरक्षण मिळावे, यासाठी मराठा योध्दा मनोज जरांगे पाटील यांनी मुंबईच्या आझाद मैदानावर आंदोलन करण्यासाठी कुच केली होती. त्यांना पाठिंबा देण्यासाठी राज्यातील जिल्ह्याजिल्ह्यातून मराठा बांधव मोठ्या संख्यंने सहभागी होत होते. शासनाने मराठा समाजाला आरक्षण दिले नाही तर मुंबईत आंदोलन करण्याच्या मागणीवर मनोज जरांगे पाटील ठाम होते. शासनाच्या शिष्टमंडळाने त्यांनी आंदोलन करू नये, यासाठी विनंती केली होती.

त्यानंतर ते मुंबईच्या वेशीवर असलेल्या वाशी येथे पोहचल्यानंतर शासनाने विविध अध्यादेश काढत त्यांच्या मागण्या मान्य केल्याचे शुक्रवारी (ता. २६ जानेवारी) प्रजासत्ताक दिनी स्पष्ट केले होते. त्यानंतर शनिवारी सकाळी मुख्यमंत्री एकनाथ शिंदे यांनी जरांगे पाटील यांना मराठा समाजाच्या मागण्या मान्य केल्या संदर्भाचे पत्र दिल्यानंतर जल्लोष सुरू झाला.

नांदेडमध्ये सकल मराठा समाज बांधवांच्या वतीने ठिकठिकाणी मिठाई वाटून फटाक्याची आतषबाजी करत जल्लोष साजरा करण्यात आला. छत्रपती शिवाजी महाराज यांच्या पुतळ्यासमोर आनंदोत्सव साजरा करण्यात आला. सकल मराठा समाजाच्या वतीने करण्यात आलेल्या या आनंदोत्सवात विविध पक्षांचे राजकीय नेते, पदाधिकारी व कार्यकर्ते सहभागी झाले होते. , ता. २७ ः मराठा समाजाच्या आरक्षणाच्या मागणीसाठी मराठा योध्दा मनोज जरांगे पाटील यांनी शासनासमोर ठेवलेल्या मागण्या मान्य केल्यानंतर सकल मराठा समाजाच्या वतीने नांदेड शहरासह जिल्ह्यामध्ये शनिवारी (ता. २७) आनंदोत्सव साजरा करण्यात आला. यावेळी छत्रपती शिवाजी महाराज यांच्या पुतळ्यासमोर तसेच इतर विविध ठिकाणी सकल मराठा समाजातर्फे ढोल ताशांच्या गजरात जल्लोष करत पेढे, मिठाई आणि गुलाल उधळून आनंदोत्सव साजरा करण्यात आला. तसेच एक मराठा, लाख मराठा अशी घोषणाबाजीही करण्यात आली.

मराठा समाजाला आरक्षण मिळावे, यासाठी मराठा योध्दा मनोज जरांगे पाटील यांनी मुंबईच्या आझाद मैदानावर आंदोलन करण्यासाठी कुच केली होती. त्यांना पाठिंबा देण्यासाठी राज्यातील जिल्ह्याजिल्ह्यातून मराठा बांधव मोठ्या संख्यंने सहभागी होत होते. शासनाने मराठा समाजाला आरक्षण दिले नाही तर मुंबईत आंदोलन करण्याच्या मागणीवर मनोज जरांगे पाटील ठाम होते. शासनाच्या शिष्टमंडळाने त्यांनी आंदोलन करू नये, यासाठी विनंती केली होती. त्यानंतर ते मुंबईच्या वेशीवर असलेल्या वाशी येथे पोहचल्यानंतर शासनाने विविध अध्यादेश काढत त्यांच्या मागण्या मान्य केल्याचे शुक्रवारी (ता. २६ जानेवारी) प्रजासत्ताक दिनी स्पष्ट केले होते. त्यानंतर शनिवारी सकाळी मुख्यमंत्री एकनाथ शिंदे यांनी जरांगे पाटील यांना मराठा समाजाच्या मागण्या मान्य केल्या संदर्भाचे पत्र दिल्यानंतर जल्लोष सुरू झाला.

नांदेडमध्ये सकल मराठा समाज बांधवांच्या वतीने ठिकठिकाणी मिठाई वाटून फटाक्याची आतषबाजी करत जल्लोष साजरा करण्यात आला. छत्रपती शिवाजी महाराज यांच्या पुतळ्यासमोर आनंदोत्सव साजरा करण्यात आला. सकल मराठा समाजाच्या वतीने करण्यात आलेल्या या आनंदोत्सवात विविध पक्षांचे राजकीय नेते, पदाधिकारी व कार्यकर्ते सहभागी झाले होते.