हणेगाव (जि. नांदेड) : देगलूर तालुक्यातील हणेगावजवळ बसच्या धडकेत दुचाकीवरील दोन जण ठार झाले. ही घटना शनिवारी (ता.१२) सकाळी घडली. नरसिंग एकनाथ पाटील (वय ७०, रा. कामाजीवाडी) व सोपानराव बिरादार (६०, रा. कुडली) अशी मृत दुचाकीस्वारांची नावे आहेत. तर, दोन जण जखमी झाले.

कामाजीवाडी येथून दुचाकीवर नरसिंग पाटील, सोपानराव बिरादार यांच्यासह वामनराव बिरादार (६०) तसेच त्यांची चार वर्षीय नात असे चौघेजण हणेगावकडे शनिवारी सकाळी येत होते. तेव्हा काही अंतरावरील हणेगाववाडी पाटीजवळ हणेगावकडून उदगीरकडे जाणाऱ्या बस व दुचाकीची समोरासमोर धडक झाली.

या अपघातात दुचाकीवरील नरसिंग, सोपानराव यांचा मृत्यू झाला. तर, दुचाकीवरील वामनराव व त्यांची नात थोडक्यात बचावली.

दरम्यान, घटनेची माहिती मिळताच रुग्णवाहिकेचे डॉ. संदीप वलकल्ले आणि चालक विशाल ठाकूर घटनास्थळी जखमींवर प्रथमोचार केले. दरम्यान, बीट जमादार दत्ता पाटील, पोलिस कर्मचारी संदीप बाडमवाड, माजीद पठाण यांनी घटनास्थळी धाव घेतली. चालकास ताब्यात घेतले. पुढील तपास विलास पवार करत आहेत.