नांदेड : जिल्ह्यात ठराविक दिवसानंतर अवकाळी पाऊस हजेरी लावत आहे. या पावसामुळे उन्हाळी पिकांसह भाजीपाला पिकांचे मोठ्या प्रमाणात नुकसान होत असल्यामुळे लॉकडाउनमध्ये अडचणीत असलेले शेतकररी दुहेरी संकटात सापडले आहेत. जिल्ह्यात शुक्रवारी (ता. आठ) सकाळी आठपर्यंत एकूण ८०.२८ मिलीमीटर तर सरासरी ५.०२ मिलिमीटर पावसाची नोंद झाली.

ठराविक कालावधीनंतर अवकाळी
जिल्ह्यात ठराविक कालावधीनंतर अवकाळी पावसाचे आगमन होत आहे. हा पाऊस सर्वच तालुक्यात होत असल्यामुळे शेतकऱ्यांच्या उन्हाळी पिके, भाजीपाला तसेच फळपिकांची हानी होत आहे. कोरोना विषाणूच्या प्रतिबंधासाठी शासनाने जाहीर केलेल्या लॉकडाउनमुळे अडचणीत असलेल्या शेतकऱ्यांच्या समस्या आणखी गंभीर होत आहेत. गुरुवारी (ता. सात) रात्री जिल्ह्यातील अनेक मंडळात पावसाचे आगमन झाले. 

हेही वाचा.....‘अशा’ रुग्णांनी घ्यावी विशेष काळजी

काही भागात अवकाळीचा जोर
अवकाळी पाऊस देगलुर, उमरी, कंधार, भोकर व बिलोली या तालुक्यात बऱ्यापैकी झाला. तर इतर तालुक्यातही पावसाने हजेरी लावल. या पावसामुळे तापमानाचा पारा काही अंशी खाली आला असला तरी शेतकऱ्यांना मात्र याचा फटका बसत आहे. या पावसामुळे शेतकरी पेरणी पूर्व कामाच्या तयारीला लागतील असा अंदाज आहे.

हेही वाचलेच पाहिजे.....कोरोनाच्या मुकाबल्यासाठी यंत्रणांनी सज्ज रहावे....कोण म्हणाले ते वाचा

मंडळनिहाय झालेला पाऊस
उमरी १६, सिंधी दोन, गोळेगाव चार, देगलूर सहा, खानापूर पाच, शहापूर १७, मरखेल सात, माळेगाव सहा, उस्माननगर १२, बारूळ सात, पेठवडज १३, भोकर व किनी प्रत्येकी दोन, मोघाळी २०, मुदखेड सात, बारड सात, मुगट आठ, मनाठा दहा, निवघा तीन, आष्टी १५, धर्माबाद तीन, करखेली तीन, सरसम एक, आदमपूर ३२, लोहगाव पाच, सगरोळी पाच, कुंडलवाडी ३०, इस्लापूर चार, मुखेड दहा, येवती पाच, जाहूर चार, मुक्रमाबाद दोन, बाऱ्हाळी दोन, मांजरम दोन, बरबडा चार, कुंटूर चार. असा एकूण ८०.२८ मिलिमीटर तर सरासरी ५.०२ मिलिमीटर पाऊस झाला.

तालुकानिहाय झालेला सरासरी पाऊस (मिलीमीटरमध्ये)
उमरी ७.३३, देगलूर सात, भोकर सहा, मुदखेड ७.३, हदगाव पाच, धर्माबाद ३.३३, हिमायतनगर ०.३४, बिलोली १४.७५, किनवट ०.५७, मुखेड ३.२९, नायगाव दोन. लोहा व अर्धापूर तालुक्यात पाऊस निरंक.