शिवणी ( जिल्हा नांदेड ) : ग्रामीण भागात पूर्वी बैलांच्या साह्याने शेतीची सगळी कामे करावी लागायची. त्यासाठी ग्रामीण भागातील शेतकऱ्यांकडे लाकडापासून बनवलेली अवजारे असायची. त्यामुळे पेरणीपूर्वी अवजाराची दुरुस्तीची कामे करण्यासाठी सुतार व्यवसाय करणाऱ्याकडे सकाळपासून शेतकऱ्यांची गर्दी करताना पहावयास मिळत होते.

त्यामुळे सुतार व्यवसायिकांना यासाठी वर्षाची बोलणी करुन घ्यावी लागायची. कालांतरानी पारंपारिक पद्धतीने शेती करणे थांबवून आता शेतकरी आधुनिक पद्धतीने शेती करायला लागला. त्यामुळे शेतीत वापरात येणारे लाकडी अवजारे इतिहासजमा होत आहेत. अलीकडच्या काही वर्षापासून लाकडी नांगर, वखर, कोळपे आदी अवजारे काळ्यामातीतुन काढता पाय घेऊ लागली आहेत.

हेही वाचा - नव्या आदेशात वर्गीकरण केले असले तरी कोणत्याही परिस्थितीत कोविडला आमंत्रण देणारी गर्दी, समारंभ, सोहळे चालणार नाहीत.

पारंपरिक पद्धतीने होणारी शेती आता मागे पडायला लागली. शेती कामासाठी लागणारे सगळीच लाकडी अवजारे यांची वाढती किंमत, दुरुस्तीचा खर्च आवाक्‍याबाहेर जात आहे. त्यामुळे ग्रामीण भागातून ट्रॅक्‍टरच्या साहाय्याने शेतीची कामे होऊ लागली. शेतकऱ्यांचा वेळही वाया जात नाही. शेतीतील कामे वेळेवर होत आहेत. नाहीतर एक एकर शेती नांगरणी करण्यासाठी सात ते आठ दिवस लागायचे. तेच काम आज तासात होत आहे. आजही ग्रामीण भागात कापूस लागवड करण्यासाठी लागणाऱ्या स-या लाकडी अवजाराचाच शेतकरी वापर करीत आहेत.

संपादन- प्रल्हाद कांबळे