मुदखेड (जि.नांदेड) : मुदखेड (Mudkhed) तालुक्यातील खुजडा येथील एकाचा  मोटार सायकलवरून जात असताना माळकोठा-खुजडा रोडवर असलेल्या खड्ड्यात पडून मृत्यू झाल्याची घटना घडली आहे. योगेश गंगाधर वडनपमवार (वय २७, रा.चुचूदं म्हैसा, तेलंगणा) हा  युवक माळकौठा-खुजडा या  रस्त्याने आपल्या सासरवाडीला जात असताना रोडवर असलेल्या खड्ड्यात पडुन (ता.१८) शनिवारी (Accident In Nanded) रात्री साडेसात वाजता अपघातात मृत्यू झाल्याची घटना घडली आहे. घटनेची माहिती मिळताच पोलिस निरीक्षक महेश शर्मा यांच्या मार्गदर्शनाखाली पोलिस काॅन्स्टेबल शेख गौस, पोलिस कॉन्स्टेबल राठोड, बिट जमादार पवार यांनी सदर घटनेचा पंचनामा पी.एम.करून वडील गंगाधर वडनपमवार, भाऊ माधव वडनपमवार व नातेवाईकांच्या ताब्यात देण्यात आले.

याप्रसंगी चंदकांत पिन्नलवार, देवा पाटील धबडगे, अनिल मोरे, मलीनाथ पिन्नलवार, संतोष गायकवाड, गंगाधर कुंचटवाड, विठ्ठल मारलेवार, बाबुराव गायकवाड, ज्ञानेश्वर गायकवाड, प्रल्हाद गायकवाड, मारोती गुरुजी गायकवाड, नारायण गायकवाड यांनी सहकार्य केले.