हाणेगाव : जिल्हा परिषद हायस्कूल हाणेगाव शाळेचा सर्वांगीण विकास करून पूर्ववत वैभव प्राप्त करून असल्याचे जिल्हा परिषद नांदेडचे शिक्षणाधिकारी डॉ. सविता बिरगे यांनी हाणेगाव येथे गुरुवारी (ता.२७) रोजी शाळेच्या भेटी दरम्यान मान्यवरांच्या उपस्थितीत निर्धार केला.

हाणेगाव हे माझ्या वडिलांची जन्मभूमी आहे, तसेच माझ्या कुटुंबातील अनेकांनी या शाळेत शिकले मोठे झाले यामुळे माझ्या गावातील शाळेची प्रगती व्हावी या उद्देशाने मी हाणेगाव जिल्हा परिषद हायस्कूल शाळेचा सर्वांगीण विकास व्हावा यामुळे मी शाळा दत्तक घेतली आहे.

यामध्ये शासकीय योजनेतून एक वर्ग खोली, संरक्षण भिंतीसाठी निधी देणार असून गावातील सरपंच, उपसरपंच सहित सर्व प्रतिष्ठित नागरिक, पत्रकार बांधव यांनी शाळेच्या सर्वांगीण विकासासाठी सहभाग घेवून ‘माझा गाव माझी शाळा’ हे अभियान तयार करून सर्वांनी सहकार्य करावे असे आदेश सुद्धा यावेळी डॉ. बिरगे यांनी दिले.

या वेळी गट शिक्षणाधिकारी तोटरे, विस्तार अधिकारी मनियार, सरपंच शारदादेवी राठोड, संचालक शंकर राठोड, उपसरपंच मुजीपोद्दीन चमकुडे, विवेक पडकंठवार, दिलीप बंदखडके, उमाकांत पंचगल्ले, संजय काडगे, यादव सूर्यवंशी, मुख्याध्यापक आमगे, किशोर आडेकर, चांद मुजावर, शालेय समिती अध्यक्ष चांद बागवान, उपाध्यक्ष, सदस्य व गावातील प्रतिष्ठित नागरिक उपस्थित होते. प्रास्ताविक मुख्याध्यापक आमगे यांनी केले तर सूत्रसंचालन व आभार दिलीप वाडीयार यांनी केले.