Shardiya Navratri 2022: शारदीय नवरात्री, देवीच्या भक्तीचा उत्सव २६ सप्टेंबरपासून सुरू होत आहे, या दरम्यान घटस्थापनेनंतर ९ दिवस देवीच्या विविध रूपांची पूजा केली जाते.वर्षभरात ४ नवरात्र असतात, त्यात शारदीय नवरात्री, चैत्र नवरात्री आणि २ गुप्त नवरात्र असतात. चैत्र आणि शारदीय नवरात्रीमध्ये आईच्या पूजेला विशेष महत्त्व दिले जाते, नवरात्रीच्या पहिल्या दिवशी लोक घरात घटस्थापना करतात, जो ९ दिवस चालतो.

नवरात्रीच्या महत्वाच्या तारखा

नवरात्रीचा पहिला दिवस - २६ सप्टेंबर २०२२, सोमवार देवी शैलपुत्री

नवरात्रीचा दुसरा दिवस - २७ सप्टेंबर २०२२, मंगळवार - देवी ब्रह्मचारिणी

नवरात्रीचा तिसरा दिवस - २८ सप्टेंबर २०२२, बुधवार - देवी चंद्रघंटा

नवरात्रीचा चौथा दिवस - २९ सप्टेंबर २०२२, गुरुवार - देवी कुष्मांडा

नवरात्रीचा पाचवा दिवस - ३० सप्टेंबर २०२२, शुक्रवार - देवी स्कंदमाता

नवरात्रीचा सहावा दिवस - १ ऑक्टोबर २०२२, शनिवार - देवी कात्यायनी

नवरात्रीचा सातवा दिवस - २ ऑक्टोबर २०२२, रविवार - देवी कालरात्री

नवरात्रीचा आठवा दिवस - ३ ऑक्टोबर २०२२, सोमवार - देवी महागौरी

नवरात्रीचा नववा दिवस - ४ ऑक्टोबर २०२२, मंगळवार - देवी सिद्धिदात्री

विसर्जनाचा दिवस - ५ ऑक्टोबर २०२२, बुधवार - देवी दुर्गा मूर्ती विसर्जन

घटस्थापना शुभ मुहूर्त

प्रतिपदा तिथी प्रारंभ : २६ सप्टेंबर पहाटे ०३:२३ पासून ते 27 सप्टेंबर पहाटे ०३:०८ पर्यंत

घटस्थापना मुहूर्त - सकाळी ०६:२८ ते ८:०१पर्यंत

अभिजीत मुहूर्त - सकाळी ११:४८ ते १२:३६ पर्यंत

कलश स्थापनेची विधी

- कलश बसवण्यासाठी उत्तर-पूर्व दिशा निवडा.

- गंगाजल आणि गोमूत्र शिंपडून जागा शुद्ध करा.

- लाकडी चौरंगावर स्वस्तिक बनवून घट बसवावा.

- घटाच्या खाली एक ताटली ठेवून त्यात माती टाका आणि त्यावर धान्य पेरा.

- घटात गंगाजल टाकून या पाण्यात दूर्वा, हळद-कुंकू, अक्षदा आणि नाणे टाका.

- घाटावर आंब्याची किंवा विड्याची ५ पाने लावून, नारळावर लाल कपडा गुंडाळून घाटावर ठेवावा.

- देवीच्या मूर्ती समोर ठेवा.

- यासह अखंड दिवा लावून ९ दिवस मातेची पूजा करावी.