बेळगाव : सरकारी कामांसह नोकरी मिळविण्यासाठी आवश्‍यक असलेली दहावीची गुण पत्रिका मिळविण्यासाठी यापुढे विद्यार्थ्यांना धावपळ करावी लागणार नाही. विद्यार्थ्यांना गुण पत्रिका घरपोच देण्याची सोय परीक्षा मंडळाने केली आहे. तसेच कोणत्याही व्यक्‍तीला यापुढे चार वेळा ऑनलाईन गुण पत्रिका मागविता येणार आहे.
दहावीचा निकाल जाहीर झाल्यानंतर काही दिवसांनी विद्यार्थ्यांना शाळेतुन गुण पत्रिका उपलब्ध होत असते. तसेच विद्यार्थी परीक्षा मंडळाच्या संकेतस्थळावरुनही गुण पत्रिका डाऊनलोड करुन घेऊ शकतात. मात्र दहावीची गुण पत्रिका दुसऱ्या किंवा तिसऱ्या वेळी हवी असल्यास विद्यार्थ्यांना किंवा इतर लोकांना बरेच दिवस वाट पहावी लागते.
नोकरीच्या वेळी किंवा इतर वेळी गुण पत्रिका वेळेत देणे आवश्‍यक असते. मात्र गुण पत्रिका वेळेत न मिळाल्याने अनेकांची कामे अडुन राहतात. त्यामुळे त्यांना त्रास सहन करावा लागतो. परंतु यापुढे गुण पत्रिका ऑनलाईनव्दारे मिळविण्याची सोय करण्यात आल्याने अनेकांचा त्रास कमी होणार आहे.
गुण पत्रिकेसाठी अर्ज करणाऱ्या व्यक्‍तीला शाळेचे नाव, कोणत्या वर्षी दहावीची परीक्षा दिली याच्या तपशिलासह गुण पत्रिका मिळविण्यासाठी आवश्‍यक असलेले शुल्क भरावे लागणार आहे. यापुर्वी गुणपत्रिका हरवल्यानंतर पुन्हा पत्रिका मिळविण्यासाठी संबधित पोलीस स्थानकात दाखल करण्यात आलेल्या तक्रारीची प्रत द्यावी लागत होती. मात्र यापुढे तक्रार करण्याची गरज भासणार नसुन अर्ज करताना फक्‍त आधार कार्ड क्रमांक नमुद करावा लागणार आहे.
पुढील प्रमाणे ऑनलाई अर्ज दाखल करावा लागणार आहे.
hhtp://kseeb.kar.nic.in या संकेतस्थळावर गेल्यानंतर या ठिकाणी दहावी किंवा इतर परीक्षेच्या गुण पत्रिकेबाबत माहिती असेल त्यानंतर दहावी अशी निवड करुन आपले नाव व इतर समाविष्ट करावी त्यांनतर भरण्यात आलेली माहीती अपलोड करुन संबधित खात्यावर शुल्क भरुन पुन्हा अर्ज अपलोड करावा लागणार आहे.
"दहावीची परीक्षा पास झाल्यानंतर पहिल्या वेळेची गुण पत्रिका विद्यार्थ्यांना शाळेतुन उपलब्ध करुन दिली जाते. मात्र दुसऱ्या व तिसऱ्या वेळी गुण पत्रिका हवी असल्यास ऑनलाईन अर्ज करणे आवश्‍यक आहे. ऑनलाईन अर्ज दाखल झाल्यानंतर काही दिवसात गुण पत्रिका घरपोच पाठविली जाणार आहे."
- अण्ण्पाप्पा पॅटी, शिक्षणाधिकारी
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.