बेळगाव : कोरोनामुळे लागू केलेल्या लॉकडाउनचा मोठा फटका हातावर पोट असलेल्यांना बसला. त्यांची आर्थिक स्थिती खालावली होती. त्यामुळेच, राज्य सरकारने बांधकाम कामगारांसाठी प्रत्येकी पाच हजार रुपयांच्या आर्थिक मदतीची घोषणा केली होती. जिल्ह्यातील ५० हजार जणांना ही मदत मिळाली आहे. परंतु, अद्याप ११,९४० कामगार मदतीच्या प्रतीक्षेत आहेत.

देशात मार्चअखेरनंतर कडक लॉकडाउन घोषित झाले होते. या काळात घराबाहेर पडण्यास निर्बंध घातले होते. सर्व व्यवहार बंद होते. त्याची मोठी झळ बांधकाम कामगारांना बसली. त्यामुळे, मुख्यमंत्री बी. एस. येडियुराप्पा यांनी बांधकाम कामगारांना प्रत्येकी पाच हजार रुपयांची आर्थिक मदत जाहीर केली. त्याची तातडीने कार्यवाही करण्यात आली. संबंधितांकडून अर्ज मागविण्यात आले.

हेही वाचा - आंदोलन दिल्लीत आणि परिणाम बेळगावात ; रताळ्याची उचल झाली कमी -

जिल्ह्यात ८३,७२५ लाभार्थींची यादी तयार करण्यात आली. त्यापैकी ६३,३३३ जणांनी मदतीसाठी अर्ज केले. तर ५०,३९३ लाभार्थींना प्रत्येकी पाच हजार रुपयांप्रमाणे आर्थिक मदत करण्यात आली. परंतु, अजून ११,९४० लाभार्थी मदतीच्या प्रतीक्षेत आहेत. बांधकाम कामगार कल्याण खात्यातर्फे जिल्ह्यातील ८३,७२५ लाभार्थींना ४१ कोटी ८६ लाख २५ हजार रुपयांचा निधी देण्याचे उद्दिष्ट होते. पण, आर्थिक मदतीसाठी ६३,३३३ जणांनीच अर्ज केले. त्यामधील ५०,३९३ जणांना २५ कोटी १९ हजार ६५ हजार रुपयांची मदत देण्यात आली आहे. अद्याप ११,९४० अर्ज तांत्रिक कारणामुळे प्रलंबित आहे. 

आधारकार्ड अपडेट नाही, बचत खात्याचा तपशील व्यवस्थित नाही, अर्जदारांचे नाव व बॅंक तपशिलात तफावत असल्याचे आढळून आले. त्यासाठी अर्ज प्रलंबित राहिले आहेत, अशी माहिती कामगार कल्याण कार्यालयाकडून देण्यात 
आली आहे.  

हेही वाचा - ब्रेकिंग : बलात्कारप्रकरणी चार महिने पसार पोलिस निरीक्षक विपीन हसबनीस कडेगाव ठाण्यात हजर : पोलिसांकडून तत्काळ अटक -

• एक नजर जिल्ह्यातील बांधकाम कामगार - ८३,७२५
• आर्थिक मदतीसाठी अर्ज - ६३,३३३
• मिळालेले कामगार - ५०,३९३
• प्रलंबित अर्ज - ११,९४०

संपादन - स्नेहल कदम