सांगली ः पुणे पदवीधर व शिक्षक विधानपरिषद निवडणुकीसाठी दुपारी बारावाजेपर्यंत मतदानास चांगला प्रतिसाद मिळाला. पदवीधर मतदार संघातील राष्ट्रवादीचे उमेदवार अरुण लाड, भाजपचे उमेदवार संग्रामसिंह देशमुख, जनता दलाचे प्रा. शरद पाटील यांच्यासह स्थानिक उमेदवारांची संख्या मोठी असल्यामुळे चांगले मतदान झाले.
पदवीधरसाठी 22.51 टक्के तर शिक्षक मतदार संघासाठी 34.20 टक्के मतदान झाले. यापूर्वी पदवीधर मतदार संघात सांगली जिल्ह्यातून सर्वाधिक 35 टक्के मतदान झाले होते. शिक्षक मतदार संघासाठी मात्र 90 टक्केपर्यंत मतदान झाले आहे. या निवडणुकीत स्थानिक उमेदवार असल्यामुळे चुरशीने मतदान होत आहे.
पुणे पदवीधर मतदारसंघ 62, तर पुणे शिक्षक मतदारसंघातील 35 उमेदवार रिंगणात आहेत. पुणे विभागातील पाचही जिल्ह्यांतील 57 विधानसभा मतदारसंघाचा पसारा आहे. सांगली जिल्ह्यात पदवीधरसाठी 87 हजार 233 तर शिक्षकांसाठी 6 हजार 812 मतदार आहेत. मतदान छपाई केलेल्या मतपत्रिकांवर होत आहे.
कुठल्याही निवडणुकीच्या इतिहासात पहिल्यांदाच वैद्यकीय अधिकारी मतदान केंद्रावर आहेत. मतदान केंद्रांवर पीपीई कीट, सॅनिटायझर, औषध-गोळ्यांची सोय आहे. कोरोनाच्या पार्श्वभूमीवर मास्क्स, थर्मल स्कॅनिंग आणि कोरोनाचा संसर्ग टाळण्याच्या दृष्टीने सर्व प्रकारची साधनं कर्मचाऱ्यांना देण्यात येणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.