संगमनेर ः कोरोनाच्या पार्श्वभूमीवर प्रशासनाने जनतेला मदतनिधीसाठी आवाहन केले होते. जिल्हा परिषद प्राथमिक शिक्षकांच्या संगमनेर येथील एका व्हॉट्सऍप ग्रुपमधील 415 शिक्षकांनी सामाजिक जाणिवेतून दोन लाख 11 हजार 555 रुपयांचा निधी गोळा केला.
संगमनेर तालुका प्राथमिक शिक्षक समन्वय समिती व बीएलओ संघर्ष या ग्रुपवरील सदस्यांनी, आपण समाजाचे काही देणे लागतो या भावनेतून, कोरोनाच्या राष्ट्रीय आपत्तीत प्रशासनाला मदत करण्याच्या आवाहनाला प्रतिसाद दिला.
हेही वाचा - व्हॉटस अॅप ग्रुप अॅडमिन बाराच्या भावात
अवघ्या पाच ते सहा दिवसांत दोन लाख 11 हजार 555 रुपयांचा निधी जमा झाला. या रकमेचा धनादेश सुनील ढेरंगे, शिवाजी दुशिंग, संदीप पोखरकर, शशिकांत आव्हाड, रवींद्र अनाप, शिवाजी आव्हाड, केशव घुगे आदींनी प्रांताधिकारी डॉ. शशिकांत मंगरुळे व तहसीलदार अमोल निकम यांच्याकडे सुपूर्द केला.
या मदतीबद्दल महसूलमंत्री बाळासाहेब थोरात, आमदार डॉ. सुधीर तांबे, गटविकास अधिकारी सुरेश शिंदे, गटशिक्षणाधिकारी साईलता सामलेटी आदींनी शिक्षकांचे कौतुक केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.