सांगली ः येथील उपप्रादेशिक परिवहन कार्यालयात रुग्णवाहिका नियंत्रण कक्ष स्थापन करण्यात आला आहे. चोवीस तास ही सेवा सुरू राहणार असून रुग्णवाहिकांचे दरही निश्चित करण्यात आले आहेत, अशी माहिती उपप्रादेशिक परिवहन अधिकारी विलास कांबळे यांनी दिली.
महापालिका क्षेत्र आणि जिल्ह्यात रुग्णसंख्येत झपाट्याने वाढ होत आहे. दिवसाला पाचशेच्या पटीत रुग्ण आढळून येत आहेत. अशा परिस्थितीत रुग्णांना रुग्णालयात पोहचविण्यासाठी रुग्णवाहिका उपलब्ध नाहीत. शिवाय खासगी रुग्णवाहिका चालकांकडून दुप्पट भाडे आकारणी केली जात आहे. यामुळेच जिल्हाधिकारी डॉ. अभिजीत चौधरी यांच्या सूचनेप्रमाणे रुग्णवाहिका नियंत्रण कक्ष स्थापन करण्यात आला आहे.
श्री. कांबळे म्हणाले,""कोरोनाबाधिक रुग्णांना रुग्णालयात वेळेत पोहचवण्यासाठी हा नियंत्रण कक्ष स्थापन करण्यात आला आहे. चोवीस तास हा कक्ष सांगलीकरांच्या सेवेत असेल. खासगी मालकीच्या नोंदणी असलेल्या रुग्णवाहिकांना यात समावेश करून घेण्यात आले आहे. रुग्णवाहिकेची मागणी केल्यानंतर चालकाचे नाव, रुग्णवाहिका क्रमांक, मोबाईल क्रमांक दिला जाईल. रुग्णवाहिकेचे दर निश्चित करण्यात आले आहेत. त्यापेक्षा अधिक भाड्याची मागणी केल्यास तक्रार करावी. तक्रारदाराचे नाव गोपनीय ठेवण्यात येईल. जादा भाडे घेणाऱ्यांवर कावाई केली जाईल.''
भाडे आकारणी अशी
25 किलोमीटर किंवा 2 तासासाठी मारूती व्हॅन 550 रुपये, टाटा सुमो, इको 700 रुपये, टेंम्पो ट्रॅव्हलर 900 रुपये, तर आयसीयु रुग्णवाहिकीचे 1200 रुपये दर असतील. लांब जाण्यासाठी प्रति किलोमीटर भाडे निश्चित करण्यात आले आहे. मारूती व्हॅन 11 रुपये, टाटा सुमो, इको 14 रुपये, टेंम्पो ट्रॅव्हलर 18 रुपये, आयसीयु रुग्णवाहिका 24 रुपये दर असतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.