राहाता : बॅंक ऑफ महाराष्ट्राचे बाभळेश्वर येथील शाखेचे "एटीएम' काल (शनिवारी) मध्यरात्रीनंतर साडेतीनच्या सुमारास चोरांनी पळवून नेले. "एटीएम'मध्ये 19 लाख 93 हजार 200 रुपये होते. 

येथे क्‍लिक करा पोलिसांची गस्त कोणीकडे? 

बाभळेश्वर येथे लोणी-संगमनेर रस्त्यालगत घोगरे पेट्रोलपंपासमोर बॅंक ऑफ महाराष्ट्राची शाखा व "एटीएम' आहे. काल मध्यरात्री चोरांनी "एटीएम'चा दरवाजा, तसेच अन्य साहित्याची मोडतोड करून आत प्रवेश केला. संपूर्ण "एटीएम'च बाहेर ओढत आणले; पण ते जड असल्यामुळे वाहनाद्वारे ओढून रस्त्याच्या पलीकडे नेल्याच्या खुणा येथे दिसतात. त्याच्या आवाजाने परिसरातील नागरिक जागे झाले. लोकांची चाहूल लागताच "एटीएम' वाहनाला लावून चोरांनी लोणीच्या दिशेने धूम ठोकली.

हे पाहा हे मंत्री म्हणतात... आंध्रप्रदेशच्या धर्तीवर राज्यात कायदा करू 

"एटीएम'चे बरेच सुटे भाग रस्त्याच्या कडेला पडले होते. बाभळेश्वर येथील काही तरुणांनी चोरांच्या वाहनांचा पाठलाग करण्याचा प्रयत्न केला; परंतु चोर वेगाने पसार झाले. 
दरम्यान, आजपर्यंत या ठिकाणी "एटीएम' फोडल्याच्या घटना दोनदा झाल्या आहेत. चोरी करण्यापूर्वी चोरांनी येथील सीसीटीव्ही कॅमेरे फोडून टाकले. महाराष्ट्र बॅंकेचे "एटीएम' खासगी कंपनीद्वारे चालविले जाते. बॅंकेची सुरक्षा "राम भरोसे' आहे. रात्रीच्या वेळी येथे सुरक्षारक्षक नसतो. याबाबत लोणी पोलिसांनी गुन्हा दाखल केला आहे. लोणीचे सहायक पोलिस निरीक्षक प्रकाश पाटील तपास करीत आहेत.  

हे महत्त्वाचे नगरच्या शिवथाळीचा सोमवारी निर्णय