कोल्हापूर : पंतप्रधान नरेंद्र मोदी यांची छत्रपती शिवाजी महाराज यांच्याशी तुलना केल्याबद्दल लेखक जय गोयल यांच्या प्रतिकात्मक पुतळ्याचे युवक काँग्रेसतर्फे बिंदू चौकात आज दहन करण्यात आले. रायगडावर येऊन मोदी यांनी महाराष्ट्राची माफी मागावी, अशी मागणी यावेळी करण्यात आली.
जय गोयल लिखित पुस्तकात मोदी यांची शिवरायांबरोबर तुलना केली आहे. त्याचे पडसाद शिवप्रेमींत उमटले असून काँग्रेसमधील कार्यकर्त्यांत संतापाची लाट पसरली आहे. त्याचाच परिणाम म्हणून युवक काँग्रेसतर्फे भाजप कार्यालयासमोर निदर्शने करण्याचा आज प्रयत्न होता. पोलिसांनी कार्यकर्त्यांना कार्यालयासमोर जाण्यास रोखल्याने त्यांनी बिंदू चौकात धाव घेतली.
....अन्यथा आंदोलन सुरूच
मोदी, अमित शहा, माजी मुख्यमंत्री देवेंद्र फडणवीस यांच्या निषेधाच्या घोषणा देत त्यांनी संताप व्यक्त केला. भाजप सरकारचे करायचं काय खाली डोकं वर पाय, तुमचं आमचं नातं काय जय भवानी जय शिवराय, छत्रपती शिवाजी महाराज की जय अशा घोषणा यावेळी देण्यात आल्या. मोदी यांनी रायगडावर येऊन शिवभक्तांची माफी मागावी. अन्यथा आंदोलन सुरूच राहील, असा इशारा युवक काँग्रेसचे अध्यक्ष दीपक थोरात यांनी दिला.
हेही वाचा- घरातील भांडणावरून बाहेर पडली आणि तीने केले हे कृत्य...
निदर्शनात स्वप्नील सावंत सचिन रावल उदय पवार वैभव देसाई मकरंद कवठेकर, आनंदा करपे, अक्षय शेळके, अॅड. कल्याणी माणगावे, दस्तगीर शेख, मोहसीन शेख, वैभव पाटील, अजिंक्य पाटील, राहित गाडीवड्डर यांचा समावेश होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.