Belgaon News : ट्रॅक्टर ट्रॉलीतून खाली पडल्याने चाकाखाली सापडून दहा वर्षाचा बालक ठार (Death) झाला. शुक्रवार (ता.२४) सायंकाळी शिंदोळी क्रॉसनजिक हा अपघात घडला असून रोहित भावकाण्णा सूनगार (वय १०, निलजी) असे त्याचे नाव असून घटनेची नोंद उत्तर वाहतूक पोलीस ठाण्यात झाली आहे.

आज सायंकाळी भात भरून घेऊन जाणाऱ्या ट्रॅक्टर ट्रॉलीमध्ये रोहित बसला होता. सदर ट्रॅक्टर शिंदोळी क्रॉसनजिक आल्यानंतर चालकाने गती रोधककाजवळ ब्रेक लावला. त्यावेळी तोल जाऊन रोहित ट्रॉलीतुन खाली कोसळला. दरम्यान यावेळी त्याच्या अंगावरून ट्रॅक्टरचे चाक गेल्याने तो जागीच ठार झाला. काहींनी घटनेची माहिती पोलिसांना दिली. त्यानंतर उत्तर वाहतूक पोलिसांनी घटनास्थळी भेट देऊन पंचनामा केला. जिल्हा रुग्णालयातील शवागृहात शल्य चिकित्सा करून मृतदेह नातेवाइकांच्या ताब्यात देण्यात आला.