बेळगाव - गेल्या काही दिवसांपासून बनावट ऑडिओ सर्वत्र फिरत होता. त्याची माहिती घेण्यात आली आहे. पोलिस आयुक्तांना त्याची माहिती देण्यात आली असून संशयित व्यक्ती विरोधात गुन्हा नोंदविला जात आहे, अशी माहिती जिल्हाधिकारी एस. बी. बोम्मनहळ्ळी यांनी दिली. 

याबाबत अधिक माहिती अशी, गेल्या आठवड्यात जिल्हाधिकारी बोम्मनहळ्ळी यांचा बनावट ऑडिओ तयार झाला होता. त्याद्वारे विविध सूचना कोरोना विषयाला अनुसरून दिल्या होत्या. व्हिडिओ सोशल मिडिया आणि विविध भागामध्ये व्हायरल झाला होता. त्याची माहिती घेण्यात येत होती. जिल्हाधिकारी यांच्याकडे चौकशी केली. त्यांनी ऑडिओ फेक असल्याचे स्पष्ट केले. चौकशी केली जाईल, अशी माहिती दिली होती. त्यानुसार पोलिस आयुक्त बी. एस. लोकेशकुमार यांच्याशी बातचीत झाली होती. चौकशीत ऑडिओ कोणाचा याची माहिती मिळाली. पण, अशा स्वरुपाचा ऑडिओ निर्मितीमागे कोणते कारण होते, याची माहिती नाही. 

हे पण वाचा - होमिओपॅथिक डॉक्टर शासकीय सेवेत; या आमदाराच्या लढ्याला यश

जिल्हाधिकारी बोम्मनहळ्ळी यांनी दिलेल्या माहितीनसार, गेल्या काही दिवसांपासून त्या ऑडिओची चौकशी केली जात होती. ऑडिओ कोणाचा व त्यामागील व्यक्ती कोण, त्याची माहिती घेण्यात आली आहे. लोकांची दिशाभूल आणि खोटी माहिती संवेदनशिल परिस्थित केली आहे. त्यामुळे गुन्हा नोंदविण्याचा आदेश बजाविला आहे. पोलिस आयुक्तांशी चर्चा केलेली आहे. त्यानुसार गुन्हा नोंदविला जाईल. शिवाय चौकशीनंतर फेक ऑडिओ निर्मितीमागील कारण स्पष्ट होईल, अशी माहिती बोम्मनहळ्ळी यांनी दिली आहे. 

हे पण वाचा - लोककलावंतांवर आली उपासमारीची वेळ ; सरकारकडून मदतीची अपेक्षा 

ऑडिओत काय? 
कोरोना पार्श्‍वभूमीवर लॉकडाऊन जाहीर केले आहे. पण, या दरम्यान महाभागाने जिल्हाधिकारी यांच्या नावे बनावट ऑडिओ बनविले. त्यामध्ये लॉडडाऊनमध्ये कोणीही बाहेर पडू नये, असे स्पष्ट केले. जीवनाश्‍यक वस्तू वगळता सर्व सेवा बंद ठेवण्यात आली आहे. कोणीही बाहेर पडू नये. पण, दूध, भाजीपाला पुरवठ्याला व्यत्यय निर्माण होणार नाही, त्याची काळजी घेण्यात यावी, या आशयाचा ऑडिओ व्हायरल झाला होता. त्याची चौकशी करण्यात आली आणि संशयिुतांवर गुन्हा नोंदविला आहे.