कोगनोळी : बेळगाव जिल्हा (belgaum district) सोमवार (२१) पासून अनलॉक (unlock) केला आहे. मात्र येथील सीमा तपासणी नाका आणखी काही दिवस लॉकच राहणार असल्याची माहिती निपाणी ग्रामीण पोलिस ठाण्याचे उपनिरीक्षक बी. एस. तळवार यांनी दिली. येथे चार महिन्यांपासून सीमा तपासणी नाका कार्यरत आहे. येथे महाराष्ट्र (maharashtra) व इतर राज्यांतून येणाऱ्या प्रवाशांकडून आरटी-पीसीआर रिपोर्टची (RTPCR report) मागणी होत आहे. ज्या प्रवाशांकडे आरटी-पीसीआर रिपोर्ट आहे, अशांनाच कर्नाटकात प्रवेश दिला जात आहे.

बेळगाव जिल्ह्याच्या मानाने महाराष्ट्रातील कोल्हापूर जिल्ह्यात (kolhapur district) मोठ्या प्रमाणात कोरोना रुग्ण आढळल्याने येथे तपासणी करूनच सोडण्यात येत आहे. कोगनोळी सीमा (koganoli check post) तपासणी नाक्यावर पोलिस, महसूल विभाग, शिक्षण विभाग, प्राथमिक आरोग्य केंद्र यांच्यावतीने काम पाहण्यात येत आहे. कर्नाटकात येणाऱ्यांकडे आरटी-पीसीआर रिपोर्टची मागणी होत आहे. वाहनासह किती प्रवासी, कोठून कोठे निघाले आहेत, याची नोंदणी करूनच प्रवेश दिला जातो. निपाणी ग्रामीण पोलिस ठाण्याचे उपनिरीक्षक बी. एस. तळवार यांच्या मार्गदर्शनाखाली तीस पोलिस कर्मचारी, दोन शिक्षक, पाच आशा कार्यकर्त्या काम पाहत आहेत.

"बेळगाव जिल्हा अनलॉक झाला असला तरी कोगनोळी सीमा तपासणी नाक्याचे काम सुरू राहील. अनलॉकबाबत वरिष्ठ अधिकाऱ्यांकडून अजून सूचना आली नसल्याने तपासणी नाका सुरू राहणार आहे."

- बी. एस. तळवार, उपनिरीक्षक, निपाणी ग्रामीण पोलिस ठाणे