विटा (सांगली) : भिकवडी बूद्रुक ( ता. खानापूर ) येथे टेंभूच्या कालव्यात पडलेल्या रेडकाला वाचविण्यासाठी गेलेल्या सोळा वर्षीय मुलाचा पाण्यात पडून मृत्यू झाल्याची घटना आज दुपारी दोनच्या सुमारास घडली. हर्षल रामचंद्र खरात ( भिकवडी ) असे त्याचे नाव आहे. भिकवडी हद्दीतून टेंभूचा कालवा गेला आहे. सध्या कालव्यातून पाणी वाहत आहे. हर्षल गाय व रेडकू चरण्यासाठी घेऊन गेला होता.
कालव्याच्याकडेला रेडकू चरत असताना अचानक ते कालव्यात पडले. पाण्याचा प्रवाह जादा असल्याने रेडकू पाण्याबरोबर वाहत जावू लागले. रेडकाला वाचविण्याच्या नादात हर्षल पाण्यात पडला. त्याला पोहता येत नव्हते. तो पाण्याच्या प्रवाहाबरोबर वाहून गेला. तेथूनच राहुल सुडके हा तरूण निघाला होता. त्याने हर्षल पाण्यात पडल्याचे दिसताच कालव्याकडे धाव घेतली. परंतु तो कालव्यात आठ ते नऊ फूट पाणी असल्याने दिसला नाही.
याची माहिती गावातील नागरिकांना मिळताच हर्षलचा शोध सुरू घेण्यास सुरुवात केली. अर्धाकिलोमीटर अंतरावर एका पूलाजवळ बेशुद्ध अवस्थेत लोकांना तो सापडला. त्याला उपचारासाठी विटा येथील ओमश्री हॉस्पिटलमध्ये उपचारासाठी दाखल करण्यात आले. परंतु उपचारापुर्वीच त्याचा मृत्यू झाल्याचे डॉक्टरांनी सांगितले. याची माहिती डॉ. अलोक नरदे यांनी विटा पोलिसात दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.