सांगली- इस्लामपुरातील 26 पैकी 25 कोरोना बाधित रूग्णांचा अहवाल निगेटिव्ह आल्यामुळे दिलासा मिळाला असतानाच आज सांगलीतील एका 47 वर्षीय बॅंक कर्मचाऱ्यास "कोरोना' ची लागण झाल्याचे आज पहाटेच स्पष्ट झाले होते. संबंधित कर्मचाऱ्याची प्रकृती गंभीर बनल्यामुळे "व्हेंटिलेटर' वर ठेवण्यात आले होते. दुर्दैवाने सायंकाळी संबंधित रूग्णाचा मृत्यू झाला. सांगलीतील हा "कोरोना' चा बळी ठरला आहे.

 
सांगलीतील गणपती पेठेतील कल्लाप्पाण्णा आवाडे सहकारी बॅंकेतील कर्मचाऱ्यास "कोरोना' ची लागण झाल्याचे आज पहाटेच स्पष्ट झाले होते. कर्मचाऱ्याचे घर विजयनगर येथे असल्यामुळे पोलिसांनी संपूर्ण परिसरच "सील' करून टाकला होता. 55 ठिकाणी "बॅरिकेटस्‌' लावण्यात आले आहेत. संपूर्ण परिसर "सील' केल्यानंतर सांगली-मिरज हा संपूर्ण रस्ता बंद केला आहे. तसेच परिसरावर "ड्रोन' कॅमेऱ्याची घरघर सुरू ठेवली आहे. 

मिरजेतील "कोरोना' हॉस्पिटलमध्ये उपचार घेत असलेल्या कर्मचाऱ्याची प्रकृती खालावल्यामुळे "व्हेंटीलेटर' वर ठेवण्यात आले होते. तसेच त्यांच्या संपर्कातील 27 जणांना क्वारंटाईन करून त्यांच्या स्वॅब चाचणीचे नमुने तपासणीसाठी घेतले. दुपारनंतर कर्मचाऱ्याची प्रकृती अधिकच चिंताजनक झाल्याचे समजले होते. त्यामुळे सर्वत्र भितीदायक वातावरण होते. पोलिसांनी खबरदारीचा उपाय म्हणून संबंधित कर्मचाऱ्याच्या घरापासून एक किलोमीटरचा परिसर कंटेनमेंट झोन म्हणून जाहीर केला. तर 5 किलोमीटरचा परिसर बफर झोन म्हणून जाहीर केला आहे. 

जिल्हाधिकारी डॉ. अभिजीत चौधरी यांनी दुपारी झालेल्या पत्रकार परिषदेत रूग्णाची प्रकृती चिंताजनक असल्याचे जाहीर केले होते. मिरजेतील कोरोना हॉस्पिटलमधील वैद्यकीय पथक शर्थीने प्रयत्न करत होते. परंतू दुर्दैवाने संबंधित बॅंक कर्मचाऱ्याचे सायंकाळी उपचार सुरू असताना निधन झाले. 

हे पण वाचा - प्रणयराधनात नर पक्ष्यांचा आवाज सर्वाधिक का असतो?
 

हे पण वाचा - ना वऱ्हाड, ना वरात, दुचाकीवरून थेट घरात                                            

हे पण वाचा - ...अन् काळजात चर्रर झालं! कपडे बदलायला घ्यावा लागतोल "ब्लॅंकेट'चा आधार! परिचारिकेने मांडली व्यथा