नगर ः जिल्ह्यात आतापर्यंत 261 जणांची कोरोना संदर्भात तपासणी करण्यात आली आहे. त्यातील आणखी तिघांना जिल्हा रुग्णालयात वैद्यकीय देखरेखीखाली ठेवले आहे. तर 256 व्यक्तींना घरीच देखरेखीखाली ठेवल्याची माहिती जिल्हा शल्यचिकित्सक डॉ. प्रदीप मुरंबीकर यांनी दिली.
पुण्याच्या राष्ट्रीय विषाणू संस्थेकडे (एनआयव्ही) 200 व्यक्तींचे स्त्राव नमुने तपासणीसाठी पाठविले होते. त्यातील 196 जणांचे अहवाल "निगेटीव्ह' आले आहेत. सध्या दोघांचे अहवाल बाकी आहेत. तर दोघे यापूर्वीच कोरोनाबाधीत असल्याचे स्पष्ट झाल्याने त्यांना विलगीकरण कक्षात ठेवले आहे.
परदेशातून आलेल्या लोकांमुळे जिल्ह्यात ही कोरोनाबाणी स्थिती निर्माण झाली आहे. पुणे, मंबईसह लोकांच्या जथ्थेच्या जथ्थे गावाकडे परतत आहेत. आलेल्या लोकांनाही गावकरी स्वीकारायला तयार नाहीत. त्यांच्यापासून फटकूनच राहत आहेत. त्यामुळे परदेशातून आलेल्या तसेच शहरी बाबूंना वाळीत टाकल्यासारखे वाटत आहे.
आतापर्यंत जे लोक परदेशातून आले आहेत. त्यांच्यावर जिल्हा प्रशासनाचा वॉच आहे. जे लोक स्वतःहून होम क्वॉरंटाईन होत नाही, त्यांना जबरदस्तीने धरून आणले जात आहे. दुबईहून आलेल्या लोकांमुळे संसर्ग झाला आहे. त्यांच्या संपर्कात आलेल्यांपासून संसर्गाचा धोका आहे. त्यामुळे लोकांनी तसेच नातेवाईकांनी त्यांच्यापासून दूर रहावे, असं आवाहन केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.