इचलकरंजी - जिल्ह्यातील आरोग्य सेवेतील एका महिला अधिकारीवरील लाच घेताना केलेली कारवाई ताजी असताना आज दुसऱ्या दिवशी पुन्हा येथील महानगरपालिकेचा पाणीपुरवठा विभागातील कर्मचारी लाललूचपतच्या जाळ्यात सापडला. ही कारवाई जुन्या नगरपालिकेच्या आवारात केली. बाबासाहेब माळी (रा.इचलकरंजी) असे त्याचे नाव आहे.एक हजार रुपयांची लाच कोल्हापुर लाचलुचपत विभागाने त्याच्यावर धडक कारवाई केली. या कारवाईमुळे खळबळ उडाली असून महापालिका झाल्यानंतर लाचलुचपतची ही पहिलीच कारवाई ठरली आहे.

इचलकरंजी महापालिकेत संशयित माळी हा लिपिक म्हणून सेवेत आहे. सुरुवातीला तो महापालिकेच्या लेखा विभागात कार्यरत होता. त्यानंतर त्याची खात्याअंतर्गत बदली पाणीपुरवठा विभागात झाली. मात्र लेखा विभागात असल्यापासून त्याबाबतच्या तक्रारी वाढल्या होत्या. मक्तेदारांची बिले काढताना त्याच्या वाढलेल्या मध्यस्तीबाबत वारंवार वरिष्ठ अधिकाऱ्यांकडे तक्रारी करण्यात आल्या होत्या.आता महापालिका होताच माळीला एक हजार रुपयाची लाच घेताना लाचलुचपत विभागाने कारवाई केली.