पणुत्रे - लहानपणीच आई वडीलांचे क्षत्र हरपलेलेे. त्यामुळे दोन बहिणी व भाऊ एकमेकांवर नितांत प्रेम करतच लहानाचे मोठे होऊन वार्धक्याकडे झुकले. भाऊ आजारी असल्याने दवाखान्यात दाखल केले. पण वयोमानानुसार औषधोपचाराला साथ दिली नसल्याने काल रात्री त्यांचे निधन झाले. भावाला अंतिम निरोप देण्यासाठी वयोवृध्द भगिनी ही पोहचल्या. अंत्यसंस्कार आटोपून घरी आलेल्या नातेवाईकांना पाहून लाडक्या बहीणीने हंबरडा फोडला. भावाच्या विरहाने  बहीणाचाही हदयविकाराच्या धक्याने मृत्यू झाला. पणुत्रे ( ता. पन्हाळा ) येथे आज ही घटना घडली.

लहू गोविंदा पाटील ( ८९, रा. पणुत्रे, ता. पन्हाळा ) व हौसाबाई भाऊ पाटील ( ९२, रा. खाटांगळे , ता. करवीर ) अशी मृत बहीण भावांची नांवे आहेत. दोघांच्या एकाच वेळी जाण्याने नातेवाईकांसमोर दुःखाचा डोंगर कोसळला आहे.

वारणा दूध संघाचे कर्मचारी भिकाजी पाटील व प्राथमिक शिक्षक एन. एल. पाटील यांचे लहू पाटील हे वडील व हौसाबाई या आत्या होत.