मिरज - सांगली व कोल्हापूर जिल्ह्यातील पूरग्रस्तांसाठी बीएसएनएलने आठवडाभर मोफत सेवा जाहीर केली आहे. याअंतर्गत बीएसएनल मोबाईलधारकांना परस्परांशी अमर्याद मोफत कॉल करता येतील. अन्य कंपन्यांच्या मोबाईलवर दररोज वीस मिनिटे मोफत कॉलींग करता येईल. त्याशिवाय दररोज शंभर एसएमएस आणि एक जीबी डाटा विनाशुल्क देऊ केला आहे. 10 अॉगस्टपासून आठवडाभर ही सुविधा लागू राहणार आहे.
दरम्यान सांगली व मिरजेतील लँडलाईन दूरध्वनी सेवा काही प्रमाणात सुरु करण्यात बीएसएनएलला यश आले आहे. सांगलीत मुख्य कार्यालयात पाणी शिरल्याने वीजपुरवठा बंद आहे. स्टेशन चौकातील मुख्य एक्स्चेंजमधील डिजीटल पँनेलमध्ये पाणी शिरल्याने शॉर्ट सर्कीटचा धोका आहे, त्यामुळे त्याचा वीजपुरवठा सुरू करता येत नाही. बँटर्या व जनरेटरदेखील बंद आहेत. आज सकाळी बीएसएनएलचे उपमहाव्यवस्थापक वीरभद्र अलकुडे यांच्यासह अधिकाऱ्यांनी जिल्हाधिकार्यांची भेट घेऊन वीजपुरवठ्याची मागणी केली. दुपारपर्यत वीजपुरवठा किंवा जनरेटर देऊ असे जिल्हाधिकारी म्हणाले.
पूरग्रस्त सांगली शहर व पश्चिमेकडील तालुक्यात वीजपुरवठा नसल्याने सेवा बंद आहे. सांगलीत मिरज ते विजयनगरपर्यंत सेवा सुरु झाली आहे. सांगली शहरात वीजपुरवठा मिळताच चोवीस तास यंत्रणा राबवून सेवा सोमवारी सकाळीपर्यंत सुरु करु. ब्रॉडबँड इंटरनेटही सध्या बंदच आहे
- वीरभद्र अलकुडे, उपमहाव्यवस्थापक, बीएसएनएल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.