निपाणी : बेळगाव जिल्ह्यात चर्चेत असलेल्या बोरगाव नगरपंचायतीची १७ प्रभागातील निवडणूक सोमवारी (ता. २७) अत्यंत चुरशीने झाली. नगरपंचायतीची निवडणूक असल्याने प्रत्येक उमेदवारांना आपणच नगरसेवक होणार असल्याची निकालापूर्वी स्वप्ने पडू लागली आहेत. झालेल्या मतदानाच्या आकडेवारीचा हिशोब उमेदवारांसह कार्यकर्ते करत असल्याचे चित्र दिसत आहे. गुरुवारी (ता. ३०) निपाणी येथे या निवडणुकीची मतमोजणी होणार आहे. मार्गशीर्ष महिन्यातील हा शेवटचा गुरुवार असल्याने महिला उमेदवारांना लक्ष्मी पावणार का याबद्दलही चर्चेला ऊत आला आहे.(results of all the 17 wards will be announced on Thursday)

बोरगाव येथील नगरपंचायतीची निवडणूक सर्वच पक्षांनी प्रतिष्ठेची केली होती. त्यामुळे या निवडणुकीत मोठी रंगत पहावयास मिळाली. मतदान झाल्यानंतर सर्वच पक्षांनी आपलीच सत्ता येणार असल्याचा दावा केला आहे. त्यामुळे निवडणूक लढवलेल्या उमेदवारांत उत्साहाचे वातावरण आहे. निवडणुकीनंतर हे उमेदवार झालेल्या मतदानाचे गणित जुळवित आपलाच विजय निश्चित असल्याचे मानत आहेत. गुरुवारी सर्वच सतरा प्रभागाचा निकाल लागणार आहे. मतदानानंतर निकाल ३ दिवस लांबल्याने उमेदवारांना प्रतिक्षा करावी लागणार आहे.(results of all the 17 wards will be announced on Thursday)

निवडणुकीच्या काळात मतदारांनी सर्वच उमेदवारांना तुम्हालाच मतदान करू, असे आश्वासन दिले होते. अनेक प्रभागात मतदानाची टक्केवारी चांगली आहे. त्यामुळे या प्रतिसादामुळे उमेदवाराच्या आशा पल्लवित झाल्या आहेत. निवडणूक काळात सर्वच हॉटेलमध्ये गर्दी दिसून येत होती. निवडणूक संपताच गर्दी कमी झालेली आहे. अनेक उमेदवारांनी निवडणूक काळात मोठ्या प्रमाणात उधारीवर व्यवहार केले. निवडणूक होताच उमेदवारांकडे पैशाची मागणी होत असल्याचेही दिसत आहे. निकाल लागण्यापूर्वी उधारी वसुली करण्याचा प्रयत्न व्यावसायिक करत आहेत.(Professionals are trying to recover the debt before the result)

उमेदवारांना निकालाची चिंता

बोरगाव नगरपंचायतच्या निवडणुकीत १७ प्रभागात लाखोंचा धुरळा उडाल्याची चर्चा आहे. यावरून भविष्यातील कोणतीही निवडणूक आता सामान्य माणसाच्या हातची नाही, हे स्पष्ट झाले. गावाच्या विकासात महत्वाची भूमिका असणाऱ्या निवडणूक प्रक्रियेत अर्थपूर्ण घडामोडी घडत आहेत. त्यामुळे आता उमेदवारांना प्रत्यक्ष निकालाची चिंता लागली आहे.(Candidates were worried about the actual result)