सोलापूर ः पद्मशाली समाजाचे कुलदैवत श्री मार्कंडेय महामुनी यांच्या जन्मोत्सवानिमित्त महर्षी मार्कंडेय जन्मोत्सव मध्यवर्ती महामंडळातर्फे यंदा 27 जानेवारीला भगवान मार्कंडेय यांचा जन्मोत्सव सोहळा साजरा करण्यात येणार आहे. त्यानिमित्त 22 जानेवारीपासून विविध कार्यक्रमांचे आयोजन केल्याची माहिती मंडळाचे संस्थापक अध्यक्ष निरंजन बोद्धूल यांनी पत्रकार परिषदेत दिली. 

हेही वाचा ः "या' तालुक्‍यात झाले अप्पर तहसील 

या शोभायात्रेची सुरवात दत्तनगर येथील बोमड्याल शाळेपासून होईल. त्यानंतर साईबाबा चौक, अशोक चौक, विप्रो प्रोसेस, तानाबाना मार्ग, आंध्र दत्त चौक, मार्कंडेय रुग्णालय, साईबाबा मंदिर, जोडबसवण्णा चौक, आरकाल चौक, साखर पेठ, विजापूर वेस, पूनम गेट, सिद्धेश्‍वर हायस्कूलमार्गे पार्क चौकात आल्यानंतर या शोभायात्रेचा समारोप होईल. याठिकाणी श्री मार्कंडेय महामुनी यांच्या साडेसहा फूट उंचीच्या मूर्तीची प्रतिष्ठापनाही करण्यात येणार आहे. 

हेही वाचा ः फळांच्या "राजा'चे आगमन यंदा उशिरा 

27 जानेवारीला सकाळी सात वाजता पद्मध्वजारोहण, भारतातील मार्कंडेय तीर्थक्षेत्र ठिकाणांचे प्रदर्शन, सकाळी नऊ वाजता महाआरती, दहा ते अकरा कवयित्री रेणुका बुधाराम व सहकारी यांचे पद्मवंशाभिमान या ओवीबद्ध मार्कंडेय चरित्राचे पठण, 11 ते तीन लक्ष्मीनारायण देविदास महाराज व सहकारी यांचे भजन, मार्कंडेय पुरस्कार वितरण हे उपक्रम राबवण्यात येणार असल्याचे बोध्दूल यांनी सांगितले. पत्रकार परिषदेसाठी बाळकृष्ण मल्याळ, रेणुका बुधाराम, अनिल वासम, ऍड. श्रीनिवास कटकूर, नागेश सरगम, अमरनाथ सामल उपस्थित होते.