कोगनोळी : येथील राष्ट्रीय महामार्गाचे रुंदीकरण होणार असून कोगनोळी फाट्यावर उड्डाणपूलही होणार आहे. येथील शेतकऱ्यांची सुपीक जमीन यामध्ये जाणार आहे. परिणामी शेतकऱ्यांचे कोट्यवधी रुपयांचे नुकसान होणार असून हा प्रकल्प टोलनाक्यापासून जवळच असणाऱ्या गायरानात करावा, या मागणीचे निवेदन कर्नाटकचे मुख्यमंत्री बसवराज बोम्मई यांना शेतकऱ्यांनी दिले.

यावेळी चिक्कोडी लोकसभा मतदार संघाचे खासदार अण्णासाहेब जोल्ले उपस्थित होते. यावेळी चिक्कोडी जिल्हा रयत संघटना अध्यक्ष राजू पोवार यांनी शेतकऱ्यांच्या होणाऱ्या नुकसानीबद्दल मुख्यमंत्र्यांना माहिती दिली. दरम्यान ग्रामपंचायत सदस्य सुनील माने, संदीप चौगुले, आनंदा पाटील, युवराज माने, बाळासाहेब हादिकर, गब्बर शिरगुप्पे, पुंडलिक माळी, उमेश परीट, नारायण पाटील,  मधुकर इंगवले, मन्सूर शेंडूरे, तानाजी जाधव, नागेश पाटील, मुनिर मुल्ला, राजू पाटील, प्रकाश वडर, संतोष चौगुले, विनायक चौगुले, रयत संघटना निपाणी शहराध्यक्ष उमेश भारमल, विवेक जनवाडे, रयत संघटना निपाणी तालुका सचिव कलगोंडा कोटगे, मलगोंडा मिरजे, यांच्यासह शेतकरी, कारखानदार, व्यावसायिक, कामगार मोठ्या संख्येने उपस्थित होते.