मोहोळ (सोलापूर) : विवाहयोग्य बहिणीचा विवाह कसा करायचा, घरही बांधलेले नाही, तसेच आई-वडील भोळसर आहेत, या विवंचनेतून एका 19 वर्षीय महाविद्यालयीन विद्यार्थ्याने गळफास घेऊन आत्महत्या केल्याची घटना पापरी (ता. मोहोळ) येथे गुरुवारी मध्यरात्रीच्या सुमारास घडली. आकाश बाळासाहेब भोसले (वय 19) असे मृत महाविद्यालयीन विद्यार्थ्याचे नाव आहे.
चुलत्याच्या शेतातील झाडाला दोरीने गळफास
मोहोळ पोलिसांकडून मिळालेल्या माहितीनुसार, पापरी येथील बाळासाहेब भोसले यांचा आकाश नावाचा एकुलता एक मुलगा. वडील बाळासाहेब व आई दोघेही भोळसर आहेत तसेच घरात बहीण विवाहयोग्य झाली आहे, तिचा विवाह कसा करायचा; तसेच घरही बांधलेले नाही, या तणावाखाली आकाश कायम असायचा. याच नैराश्यातून त्याने चुलते मनोहर भोसले यांच्या शेतातील बांधावरील चिंचेच्या झाडाला दोरीने गळफास घेऊन आत्महत्या केली. या घटनेची खबर मोहन नारायण भोसले यांनी मोहोळ पोलिसांत दिली असून अधिक तपास पोलिस नाईक एस. डी. पवार करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.