जनजागृती आवश्‍यक असल्याचे तज्ञांचे मत ; संस्था, संघटना करताहेत प्रयत्न

सोलापूर : माणूस म्हणून जगण्यासाठी आपल्याला घटनेने जे हक्क, अधिकार दिले आहेत त्याची अंमलबजावणी होताना दिसत नाही. सातत्याने मानवी हक्कांचे उल्लंघन होत असल्याचे तज्ञांचे म्हणणे आहे. बहुतांश लोकांना आपल्या हक्कांची माहितीच नाही. सर्वसामान्य घटकातील जनतेची अवस्था तर विचार करण्याच्या पलीकडे असल्याचे दिसून येते.

मानवी हक्काविषयी सर्वत्र नकारात्मक चित्र असले तरी सामाजिक संस्था, संघटनांच्यावतीने काही प्रमाणात का होईना सकारात्मक काम होत आहे. मानवी हक्‍काचे उल्लंघन होत असल्याची तक्रार आल्यानंतर ह्यूमन राइट असोसिएशनसारख्या संघटना पाठपुरावा करताना दिसतात. मानवी हक्कांची माहिती सर्वांना व्हावी म्हणून शाळा, महाविद्यालयांमधूनच त्याबाबत गांभीर्याने शिक्षण देणे गरजेचे आहे.