नेर्ले (सांगली) : तांबवे ता. वाळवा येथील दहा जणांचा कोरोना अहवाल पॉजीटिव्ह आल्याचे कासेगाव प्राथमिक आरोग्य केंद्राचे आरोग्य अधिकारी डॉ राजेंद्र भिसे यांनी सांगितले. वाळवा तालुक्यातील महामार्ग पासून पाच किलोमीटर अंतरावर असणाऱ्या तांबवे गावात तब्बल दहा जणांचा कोरोना अहवाल पॉजिटीव्ह आल्याने तालुक्यात एकच खळबळ उडाली आहे त्यामुळे कासेगाव प्राथमिक आरोग्य केंद्राच्या आरोग्य यंत्रणा कामाला लागली आहे.
वाळवा तालुक्यातील एकाच गावातील दहा कोरोना बाधित रुग्ण सापडले त्यामुळे भीतीचे वातावरण आहे. काल शनिवारी एकाचा अहवाल पॉझिटिव्ह आला. तांबवे येथील दोन कुटुंबातील दहा जणांना बाधा झाली. त्या कुटुंबातील व्यक्तींना गेल्या चार पाच दिवसापासून त्रास होत होता. मात्र त्यांनी अंगावर काढले.त्यानंतर त्यांची अँटिजन घेण्यात आली या दहाही जणांचे अहवाल पॉझिटिव्ह आल्याचे कासेगाव प्राथमिक आरोग्य केंद्राचे वैद्यकीय अधिकारी डॉ.राजेंद्र भिसे यांनी सांगितले.
यातील एकावर रुग्णाला कराड येथील कृष्णा हॉस्पिटलमध्ये उपचार सुरू आहेत. तर राहिलेल्या कोरोणा बाधित लोकांना होम आयसोलेशन मध्ये ठेवण्यात आले आहे.परिसरातील आरोग्य कर्मचारी व आशा स्वयंसेवीका व कर्मचारी यांच्या माध्यमातून सर्व्हे सुरू झाला आहे.ग्रामस्थांनी घाबरू नये. नेहमीप्रमाणे मास्कचा वापर करावा.सर्वानी मास्क वापरल्याशिवाय बाहेर पडु नये.सामाजिक अंतराचे नियम पाळावेत.गरज असल्याशिवाय बाहेर पडू नये. तसेच ताप, सर्दी,खोकला जाणवल्यास प्राथमिक आरोग्य केंद्रास तात्काळ भेट द्यावी.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.