निपाणी : येथील बस स्थानक आवारातील बंद स्थितीतील गीतांजली चित्रपटगृहात एकाने आत्महत्या केल्याची घटना काल सायंकाळी उघडकीस आली. आत्महत्या केलेल्या पुरुषाचा केवळ सांगाडा शिल्लक राहिला. त्यामुळे ओळख पटणे मुश्‍कील बनले आहे.
बस स्थानक आवारातील मुरगूड रोडवरील चित्रपटगृह अनेक वर्षांपासून बंद स्थितीत असल्याने आवारात गवत, झुडूप वाढले असून, दलदल निर्माण झाली आहे. काही दिवसांपासून मुरगूड रोड परिसरात दुर्गंधी येत होती. पोलिसांनी शोध घेतला असता सायंकाळी चित्रपटगृहात एकाने आत्महत्या केल्याचे निदर्शनास आले.
चित्रपटगृहात स्टेजच्या बाजूला गळफास घेतलेल्या स्थितीत मृतदेह आढळला. त्याच्या अंगावर पॅन्ट, शर्ट असून, त्याने तोंडाला मास्क लावला आहे. मृतदेहाचा सांगाडा असल्याने अनेक दिवसांपूर्वी ही घटना घडल्याचा अंदाज आहे. रात्री निपाणी शहर पोलिस ठाण्याचे पोलिस उपनिरीक्षक अनिलकुमार कुंभार व पोलिसांनी घटनास्थळी भेट देऊन पंचनामा केला. त्यानंतर मृतदेह महात्मा गांधी रुग्णालयात विच्छेदनासाठी हलविला. दरम्यान, चित्रपटगृह परिसरात नागरिकांनी गर्दी केली होती. याबाबतची चर्चा शहरात ठिकठिकाणी सुरू होती.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.