विटा - पोल्ट्री व्यवसाय गेल्या अनेक दिवसांपासून विविध समस्यांतून चालला आहे. चीनमध्ये थैमान घातलेल्या करोना व्हायरसचा धोका पोल्ट्री कोंबडीच्या माध्यमातून निर्माण होऊ शकतो, अशी अफवा पसरल्याने काही प्रमाणावर चिकन खाणाऱ्यांच्या वर परिणाम झाला आणि पोल्ट्री व्यवसायावर ओढवलेल्या संकटात वाढ झालीय. त्यामुळे येथे चिकन महोत्सव आयोजित करा, अशी मागणी होत आहे.
ठिक-ठिकाणी पोल्ट्री व्यवसायावर ओढवलेले संकट कमी करण्यासाठी व समस्यांची तीव्रता कमी करण्यासाठी चिकन महोत्सवाचे आयोजन करण्यात येत आहे. फक्त पन्नास रुपयांमध्ये शाही चिकन बिर्याणी, ग्रेव्ही चिकन, सुके चिकन, चिकन सिक्‍स्टी फाय व अंडा बॉइल अशा मेजवानीचे बेत होऊ लागले आहेत. सांगली-मिरज, कऱ्हाड, कोल्हापूर या ठिकाणी चिकन महोत्सवाला उत्तम प्रतिसाद लाभला आहे. यातून चिकन किंवा पोल्ट्रीची अंडी खाणे आरोग्यासाठी घातक नाही, असा संदेश चिकन फेस्टिव्हलच्या माध्यमातून दिला जात आहे. विटा परिसरात सध्या पोल्ट्रीची संख्या कमी होत आहे.
पोल्ट्री व्यवसायाला पूर्ववैभव प्राप्त व्हावे यासाठी पोल्ट्री व्यवसायात सुधारणा होणे आवश्‍यक आहे. या पार्श्वभूमीवर विटे शहरात चिकन महोत्सवाचे आयोजन करण्यात यावे, अशी मागणी विटेकरांकडून होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.