आजरा  ः इटे (ता. आजरा) येथे टस्कराने धुमाकूळ घातला आहे. गेले चार-पाच दिवस टस्कर या परिसरात तळ ठोकून आहे. त्याने मेसकाठी, उस व केळीचे नुकसान केले. हत्ती या परिसरात आल्याने शेतकऱ्यांच्या चिंतेत वाढ झाली आहे. चाळोबा डोंगरात राहणारा टस्कराचा वेळवट्टी व देवर्डे परिसरात उपद्रव सुरू होता. या चारंपाच दिवसांपासून त्याने इटे देऊळवाडी परिसरात तळ ठोकला आहे. त्याने मेसकाठीची बेटे, केऴीच्या बागा व ऊस फस्त करण्यास सुरूवात केली आहे. 

शेतकऱ्यांना फटका 
दोन दिवसात नामदेव फगरे, बाळू पाटील, बबन पाटील, रामचंद्र पाटील, महादेव पाटील, कृष्णा पाटील या शेतकऱ्यांचे केळी, ऊस, बांबूच्या बेटांचे मोठे नुकसान केले. यामुळे या शेतकऱ्यांचे मोठ्या प्रमाणावर आर्थिक नुकसान झाले आहे.