सांगली - आज रक्षाबंधन भाऊ-बहिणीच्या अतुट नात्याचा सण. आजच्या दिवशी भावाच्या मनगटावर राखी बांधून बहिणीच्या रक्षणाची जबाबदारी घेतली जाते. बहिणीच्या मनातील काही गोष्टी कळत नकळत भावाला समजत असतात. अनेकांनी हा दिवस वेगवेगळ्या माध्यमातून आनोख्या पद्धतीने साजरा करतात. अशात आपल्या राजकीय नेत्यांनीही वेगवेगळ्या माध्यमातून आजचा दिवस साजरा केला आहे. जलसंपदा मंत्री जयंत पाटील (jayant patil) यांनी ट्वीटद्वारे एक भावनिक पोस्ट आणि व्हिडीओ शेअर केला आहे.

ते म्हणतात, दुष्काळग्रस्त म्हणून ओळख असलेल्या जत तालुक्याला ६ टीएमसी पाणी देण्याचा निर्णय घेतला. या तालुक्यातील नागरिक प्रचंड आनंदात आहे. तालुक्याला दुष्काळमुक्त करण्यासाठी हे मोठे पाऊल आहे. या भगिनींनी दिलेल्या प्रेमाबद्दल मी आभारी आहे. आज सांगली जिल्ह्यातील जत तालुक्याच्या दौऱ्यावर असताना वळसंग गावच्या महिलांनी रक्षाबंधन सणाचे औचित्य साधत माझे औक्षण केले व राखी बांधली. हा क्षण माझ्यासाठी मोठा भावूक आहे. रक्षाबंधननिमित्त अशी भावनिक पोस्ट त्यांनी शेअर केली आहे.