खडकलाट : येथील बहुग्राम जलनिर्मल योजनेच्या जलसंग्रह प्रकल्पाजवळ होत असलेला घन कचरा प्रकल्प अन्यत्र हलवावा. अनियमित पाणी पुरवठा असताना नळांना मिटर बसवू नयेत, यासाठी येथील शेतकरी संघटनेचे प्रमुख एस. के. पाटील व सहकारयांनी सोमवार (ता. 18) पासून उपोषण सुरु केले आहे.

सोमवारी निपाणीचे मंडल पोलिस निरीक्षक संगमेश शिवयोगी, उपनिरीक्षक लक्ष्मणप्पा आरी, ग्रामविकासाधिकारी रघुनाथ राजापुरे यांनी प्रत्यक्ष उपोषणस्थळी भेट देऊन उपोषणकर्त्यांना मागणीचा विचार केला जाईल, त्याबद्दल हमी देऊन उपोषण मागे घेण्याची मनधरणी केली. मात्र उपोषणकर्ते एस. के. पाटील, पप्पू पाटील, दीपक भडगावे, अशोक वड्डर, विजय करविरे, संजय केरगुटे, गिरीश पाटील, विजय करविरे, पिरगोंडा थरकार यांनी नकार देऊन ग्राम पंचायतीच्या ३५ सदस्यांच्या सह्माचे ठराव हाती आल्याशिवाय उपोषण मागे घेणार नसल्याचा पवित्रा घेतला. त्यामुळे हे उपोषण सुरु राहिले.