पंढरपूर : प्रजासत्ताक दिनाचे औचित्य साधून येथील श्री विठ्ठल रुक्मिणी मंदिरात विविध आकर्षक फुलांनी तिरंगी ध्वजाप्रमाणे सजावट करण्यात आली आहे. विशेष म्हणजे श्री विठ्ठल-रुक्मिणी मंदिरावर देखील आकर्षक विद्युत रोषणाई करण्यात आलेली असल्याने मंदिर परिसर उजळून निघाला आहे.
श्री विठ्ठल रुक्मिणी मंदिरात विविध सण-उत्सवाच्या बरोबरच 15 ऑगस्ट , 26 जानेवारी रोजी देखील फुलांची आकर्षक सजावट केली जाते. पुणे येथील सचिन अण्णा चव्हाण मोरया प्रतिष्ठान यांच्या वतीने सुमारे दीड टन फुलांनी मंदिरात सजावट करण्यात आली आहे.
झेंडू शेवंती आणि स्प्रिंगर या तीन फुलांचा या सजावटीसाठी प्रामुख्याने वापर करण्यात आला आहे. श्री विठ्ठल रुक्मिणी च्या दर्शनासाठी आणि मुलांनी केलेली ही आकर्षक सजावट पाहण्यासाठी भाविकांनी गर्दी केली आहे.
कोल्हापूर येथील अरुण बाबुराव पाटील आणि राशीन येथील रजेंद्र भगवान लंगोटे या दोन भाविकांनी स्वखर्चातून श्रीविठ्ठल-रुक्मिणी मंदिरावर विद्युत रोषणाई ही करून दिली आहे. ही विद्युत रोषणाई 26 जानेवारी पासून माघि यात्रा संपेपर्यंत ठेवली जाणार आहे अशी माहिती श्री विठ्ठल-रुक्मिणी मंदिर समितीचे कार्यकारी अधिकारी सुनील तथा विठ्ठल जोशी यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.