तुंग : दुधगाव (ता. मिरज, जि. सांगली ) येथील एका 40 वर्षीय आरोग्यसेवकाला कोरोनाची बाधा झाल्याचे समोर आले. मंगळवारी (ता. 14) त्याचा स्वॅब घेण्यात आला होता. आज दुपारी त्यांचा रिपोर्ट पॉझिटिव्ह आला.
सध्या ते कवठेपिरान प्राथमिक आरोग्य केंद्रांतर्गत सावळवाडी केंद्रात कार्यरत आहेत. काही कामानिमित्त ते कोल्हापूरला जाऊन आल्यावर त्यांना सर्दी व खोकला सुरू झाल्याने मंगळवारी त्यांचा स्वॅब घेतला होता. आज दुपारी पॉझिटिव्ह आल्याचे प्राथमिक आरोग्य केंद्राचे डॉ. युवराज मगदूम यांनी सांगितले. कोरोनाबाधित आरोग्यसेवकाला तत्काळ मिरजेतील कोरोना रुग्णालयात हलविण्यात आले. तसेच, त्यांच्या घरातील व्यक्तींना क्वारंटाईन करून त्यांचेही स्वॅब घेण्यात आले आहेत.
दुधगावमध्ये कोरोनाबाधित रुग्ण आढळल्याने या गावाच्या परिसरात आरोग्य यंत्रणा कार्यान्वित करण्यात आली आहे. तसेच, कवठेपिरान, सावळवाडी, माळवाडी या गावातही आरोग्य यंत्रणा खबरदारी घेत आहे. मिरज पश्चिम भागातील मौजे डिग्रजनंतर आता दुधगावमध्ये रुग्ण सापडल्याने आसपासच्या गावातील ग्रामस्थांत भीतीचे वातावरण दिसत आहे.
दुधगावमधील कोरोनाबाधित व्यक्तीच्या संपर्कात येणाऱ्यांनी ग्रामपंचायत दुधगाव व आरोग्य विभाग यांच्याशी संपर्क साधण्याचे आवाहन केले. तसेच, पुढील आदेश येईपर्यंत आठवडा बाजार बंद ठेवण्यात येईल, आसे ग्रामपंचायत प्रशासनाने सांगितले.
संपादन - युवराज यादव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.