वारणावती (जि. सांगली) : चांदोली धरण परिसरात जोरदार पाऊस कोसळत आहे. गेल्या 24 तासांत 60 मिलीमीटर पावसाची नोंद झाली आहे. त्यामुळे चांदोली धरणाची पाण्याची पातळी झपाट्याने वाढत आहे. धरणातून सोडण्यात येणाऱ्या पाण्याचा विसर्ग सकाळी आठ वाजेपर्यंत 569 क्युसेक होता. तो दुपारी चार वाजता 800 क्युसेक करण्यात आला आहे. यामुळे वारणा नदी दुथडी भरून वाहत आहे.
शिराळा तालुक्याच्या पश्चिम विभागातील सोनवडे, मणदूर, आरळा, करुंगली, गुढे पाचगणी परिसरात गेल्या तीन दिवसांपासून पावसाची रिपरिप सुरू झाली आहे. संततधार पावसामुळे धरणाच्या पाण्याची पातळी 603.80 मीटर झाली असून, पाणीसाठा 15.44 टीएमसी झाला आहे. त्याची टक्केवारी 44.89 अशी आहे.
सतत पडणाऱ्या पावसामुळे भागातील जनजीवन विस्कळीत झाले आहे. भात शेतीमध्ये पाणी साठून राहिले आहे. या परिसरात वारंवार वीज गायब होत आहे. सध्याचा पाऊस ऊस व भात पिकांना उपयुक्त ठरत आहे. डोंगरही हिरवेगार बनले असून, हवेत कमालीचा गारवा निर्माण झाला आहे.
मागील काही दिवसांत सूर्याचे दर्शन झालेले नाही. डोंगरमाथा, तसेच गुढे पाचगणीचा पठार धुक्याने व्यापून गेला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.