मंगळवेढा - दक्षिण भागाचा दुष्काळ हटविण्यासाठी 1983 मध्ये आराखडा केलेल्या म्हैसाळच्या कामात आता पर्यंत आठ आमदार वेगवेगळ्या पक्षाची आठ सरकार स्थापन झाली. 180 कोटीची योजना आज तीन हजार कोटी खर्चूनही तालुक्याला पाणी मिळाले नाही. परंतु, मुख्यमंत्री देवेंद्र फडणवीस यांनी भरीव निधी दिल्याने डिसेंबर अखेर या योजनेचे पाणी मिळून दुष्काळ हटेल असा आशावाद प्रशांत परिचारक यांनी व्यक्त केले.

शिरनांदगी येथे उजाला योजनेतील लाभार्थ्याला गॅस वितरण करण्यात आले. त्यावेळी ते बोलत होते. यावेळी दुध संघाचे संचालक औदुंबर वाडदेकर, अनिल बोदाडे, सैपन शेख शशिकांत चव्हाण, राजेंद्र सुरवसे, गौरीशंकर बुरकूल, राम खताळ, सतोष कांबळे, महादेव खताळ, अंकुश खताळ, अंकुश किसवे आदीसह ग्रामस्थ उपस्थित होते. यावेळी बोलताना आ.परिचारक म्हणाले की म्हैसाळ योजनेचा आराखडा 1983 साली तयार करण्यात आला त्यावेळी या योजनेचा खर्च 180 कोटी होता यात समावेश नसलेले तालुक्याचा राजकीय ताकदीवर समावेश करून निधी नेवून पाणीही नेले.पण मंगळवेढा, सांगोल्यातील गावे वंचित आहेत, 38 वर्षे रखडलेल्या म्हैसाळ सिंचन उपसा योजना निधी अभावी तर आलेला निधी अन्य तालुक्यासाठी पळवून नेल्यामुळे शिवाय अधिकाय्राच्या भ्रष्टाचारामुळे रखडली.

परंतु या योजनेस विद्यमान सरकारने तीन वर्षात भरीव निधी दिल्यामुळे डिसेंबर अखेर या योजनेचे पाणी दक्षिण भागातील वंचित गावाला मिळणार असल्यामुळे त्यांचा पिढ्यान पिढ्याचा दुष्काळ भविष्यात हटण्यास मदत होणार आहे.मुख्यमंत्री देवेंद्र फडणवीस, बांधकाम मंत्री नितीन गडकरी यांनी पन्नास टक्के काम पूर्ण झालेल्या योजना कार्यान्वीत करण्यासाठी अधिक लक्ष दिल्याने रखडलेल्या अनेक योजना मार्गी लागत आहेत त्यात म्हैसाळी ही योजना आहे. या योजनेत 2010 पासून निधी दिला नाही. परंतू या तीन वर्षात निधी मिळेल.केंद्र शासनाच्या अनेक योजना आधारशी संलग्न केल्यामुळे या योजनाचा लाभ थेट लाभार्थाला होवू लागला. सुत्रसंचालन सुनिल कांबळे यांनी तर आभार संतोष बिराजदार यांनी मानले.