सरकार बेटी बचाओ, बेटी पढ़ाओसाठी प्रयत्न करत असताना मिरजेत एक धक्कादायक प्रकार समोर आलाय.
मिरज : सरकार विविध माध्यमातून बेटी बचाओ, बेटी पढ़ाओसाठी (Beti Bachao Beti Padhao) प्रयत्न करत असताना मिरजेत (Miraj) एक धक्कादायक प्रकार समोर आलाय. मुलगी जन्माला आल्याने तिचा सांभाळ करण्यासाठी माहेरहून पाच लाख रुपये आणण्यासाठी सासरच्या मंडळींनी विवाहितेला नवजात बाळासह घरातून हाकलून दिलंय.
याबाबत शाहिन अरिफ जमखानवाले (वय-२२, रा. माळी गल्ली, मिरज) या विवाहितेनं शहर पोलिसात पती, सासू, सासरा व नणंदेविरुद्ध फिर्याद दिलीय. पोलिसांनी (Police) पती अरिफ नजीर अहमद जमखानवाले, सासरा नजीर अहमद बशीर जमखानवाले, सासू नसरीन मोहसीन मिरजकर (तिघे रा. माळी गल्ली, मिरज) व नणंद यासिन मुस्ताक कसबा (रा. विजयवाडा, आंध्र प्रदेश) या चौघांविरुद्ध गुन्हा दाखल केलाय.
शाहिन जमखानवाले यांचा अरिफ या दोघांचाही दुसरा विवाह झाला होता. अरिफ यास पहिल्या पत्नीच्या दोन मुली आहेत. शाहिनकडून सासरच्यांना मुलगा हवा होता. शाहिनला मुलगाच झाला पाहिजे, म्हणून दबाव आणून दमदाटी, शारीरिक व मानसिक छळ करण्यात आला. मात्र, पुन्हा मुलगी झाल्याने सासरच्यांनी रुग्णालयात येऊन शाहिनला शिवीगाळ केली आणि बाळंतपणानंतर शाहिन मुलीला घेऊन घरी आल्यानंतर तिला घरातून हाकलून दिलंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.